玩物喪誌

第二位出場嘅就係雷姆妹妹。 又黎先上外盒圖： 深藍配色非常有冬日氣氛。 一如既往，保護做到足。 非常有Feel嘅底坐。 感覺超有活力。 面相還原度十足。 冷織毛衣質感超正。 大腿長襪密合度例牌有少少問題。 隱藏繁披風底下嘅美背 - - - - - - - - - - - - - - - - - - - - - - - OKOK  

都好耐好耐冇Update啦，原來都一段時間冇開箱啦。黎到聖誕呢個（本來）咁普天同慶嘅日子，點都要開番個箱賀一賀嘅，所以在下就嚴選左兩隻聖誕服飾黎開嘅。首先登場嘅就係內人娜美。 先上外盒圖： 見到外盒寫住非賣品嘅字眼，而呢一盒無海外代理嘅特別版，只可以放入夾公仔機入面。 一體成形，只係頭部要裝一下。 整體感覺性感同埋優雅淡定。 面相尚算還原，感覺差一啲神韻。 頭髮膠味極重，係通病來。 WOWOWOWOWOW 美腿一雙係冇野好講。 下擺出現隱藏嘅索栢圖案。 長髮底下嘅美背。 - - - - - - - - - - - - - - 係係係，知道知道  

 又一段時間冇見啦，近期出左隻《Marvel's Avengers》嘅遊戲。本住Marvel呢個名，雖然仲未有得用在下最愛嘅蜘蛛俠，不過見有朋友一齊玩就買黎玩下啦。玩落去原來係打怪刷裝嘅遊戲，表現仲強差人意…呢個容後再談啦。講起呢類刷裝嘅遊戲，就不禁令在下想起一隻都係刷裝嘅遊戲 —《Destiny》。今日就回顧一下呢隻盛載住滿滿回憶嘅遊戲啦。 《Destiny》係2014推出嘅第一身射擊遊戲，佢主打多人連線副線副本同埋PVP。遊戲入面有一條主線劇情，但係重點係爆機之後嘅後續故事，需要同其他玩家合作去攻破一啲高難度嘅副本、又或同其他玩家較量，參加PVP對戰，所以真正嘅《Destiny》係玩家爆機之後先真正開始呀。《Destiny》嘅續作《Destiny 2》係2017年推出，遊戲性質維持不變，不過係畫面質素，性能等等都提升唔少。在下係兩代都有玩嘅玩家，曾經為呢個遊戲而瘋狂打機。仲記得玩緊第一代果陣仲讀緊夜校，在下就經常曠課番屋企玩《Destiny》。由曾經試過同另一個唔識嘅玩家合力夜晚玩到第二朝六點就係為左通過個副本究竟呢個遊戲有咩野魔力令在下咁瘋狂呢? 簡單平庸劇情，有深度嘅世界觀 無論一代定二代，故事嘅主線都係差唔多，平平無奇，就係一路打一路打，跟住打Boss，拯救地球爆機，其他角色好似可有可無咁。遊戲走呢個宇宙科幻風本來就相當吸引，故事平凡但係背後其實有一個好有趣好有深度嘅世界觀。故事入面玩家扮演嘅角色叫做Guardians(守護者)，簡單黎講就係為人類而戰嘅戰士，兩代嘅任務都係對抗外星物種嘅入侵。不過背後好多有趣嘅設定就收得好埋，基本上玩家要自己去搵資料先會知，例如Guardians要守護嘅The Traveler、Guardians能力嘅來源light、各個外星種族嘅故事甚至係每一枝槍嘅故事等等係遊戲入面冇交代，玩家要自己上網搵資料，呢一點係在下覺得幾奇怪嘅地方。去到二代嘅某個DLC終於番個似樣少少嘅劇本，但係就賜死左存在感最高嘅NPC Cayde-6。 關於裝備同槍械嘅設計可以睇得出創作團隊嘅創意。大部槍械同裝備都係好特別同有啲好有趣嘅技能，有唔少嘅裝備見到都會會心微笑。在下最有印象嘅一件手甲叫做Don't touch me，技能就係玩家受到近戰傷害嘅時候就會立刻隱形，玩味極重。 在下最鐘意用嘅槍種係(Hand Cannon)，主要係因為輕...