玩物喪誌

暌違六年嘅《The Last Of Us Part II》終於推出左，我諗大部分買左呢個遊戲嘅玩家都已經玩完整個遊戲，又或者已經放棄左去完成呢個遊戲。 在下身為《The Last Of Us》(下稱一代)嘅忠實Fans，二話不說就訂左貴一貴嘅典藏版。就算日子再難過，都會同自己講「要撐過去，好快就可以玩到《The Last Of Us Part II》嫁啦！」。之後廠方將推出日子一延再一延，在下又一等再等，跟住又出現劇透事件，在下都一於唔理繼續日盼夜盼。終於終於係上個星期收到遊戲…果然世界完全不像我預期，估唔到Naughty Dog竟然為我呈上一篤屎。 可以睇下 "遊戲""Throwback Thursday"《The Last Of Us 最後生還者》 面對呢篤屎，心情真係差到極點，甚至可以話係崩潰。但係買左咁大箱野係屋企篤眼篤鼻，冇辦法逃避，始終都要面對佢。今日在下就真真正正同呢個遊戲黎一個了斷，而且希望可以有更多人睇到我呢一番說話，唔好比呢一款遊戲摧毀大家已經殘破不堪嘅2020年。 在下將最具爭議性嘅劇情放到最尾先講，先從其他方面去講一講個遊戲。 神級視覺效果及音效 《The Last Of Us Part II》作為PS4時代最後一波嘅3A大作，遊戲畫面可以話係將PS4嘅性能用盡。遊戲一開場就近鏡拍攝緊一代主角喬爾抹結他，畫面仔細到可以清楚睇到喬爾手指上面嘅每一條細紋。接續出現嘅草原，傑克森市嘅面貌，畫面細膩度同光線捕捉等等可以話係無可挑剔，真正係嘆為觀止。 仔細到手指嘅細紋都好清楚 畫面靚到冇辦法挑剔 之後隨住故事進度會出現更加多嘅場景，比起一代會展示更多經歷末世摧殘嘅建築物，例如圖書館、電視台、水族館等等，呢啲場景嘅布置同細節部分都係一絲不苟，可以感受製作團隊係呢啲場景上面花嘅心血。除左場景之外，人物嘅表現都係非常出眾。各種人面上嘅表情，小動作等等都好到位。 另外係音效方面都係一個感到用心嘅地方。配樂風格沿用一代憂怨嘅結他聲，好對題。而今集戰鬥時候嘅音樂就比上集強化左，更加有緊張嘅感覺。 遊戲性高度強化 今集嘅遊戲性就比一代強化左幾個層次，除左一代關於資源管理嘅部分繼續優良地傳承，人類敵人AI更加聰明，會互相溝通作出包夾等等戰術，令到遊戲性大增。而佢地面對同伴死亡或者玩家身影嘅時候更加貼近真實，唔好突然好似裝左GPS...

期待已久嘅《The Last Of Us Part II》終於都有得出啦，在下已經訓唔著左成個星期，每日嘅心情就好似德國瘋小孩咁， 心中默念「遊戲快開始！你這Son of the bit** 我要玩遊戲！」。呢一刻終於都黎到啦，唉唔講咁多啦，求求其其開個箱趕去打機呀。 首先警告大家，夠秤先好開箱同玩呀。 超大箱，要搬運都幾麻煩。Size係大約 40 x 40 x 50cm。 紙皮箱上面有內容嘅資料，5.3kg重，都幾夠斤兩。 一隻Game咁細，包到成個降落傘咁大，心裡都感到踏實。 真正嘅第一層外箱，正面係艾莉嘅大頭照，背面就係入面嘅所有內容。 之後裡面又係另一個箱，究竟仲要開幾多個箱?「遊戲快開始！你這Son of the bit** 我要玩遊戲！」 入面嘅內容大概分成三層，第一層有鐵盒遊戲內容、美術集同一封來自總監嘅感謝信。 鐵盒正面就係大家都好熟悉嘅艾莉，後面就係一個不知名嘅角色，應該係今集嘅新角。 有兩隻碟，要先安裝一隻碟再用另一隻光碟去玩遊戲，內容似乎好大。 跟住就係美術集，但係在下驚見到啲唔應該見到嘅野，都係爆機先睇啦。 呢個黑咪蚊嘅東東就係一封感謝信。 趕住打機，遲啲先慢慢翻譯。 呢一層就有貼紙，徽章同埋手鐲，呢一刻就唔拎出黎把玩啦。 最後一層就係呢個典藏版嘅重點內容，12吋高嘅艾莉模型。 登登登櫈~~~~~ 在下拎把尺度過，連底座真係足足十二吋高。 整體就好正，牛仔褲質地，結他嘅木質，艾莉手臂嘅肌肉就非常好。 但係面相就麻麻地，冇乜艾莉嘅神髓。不過觀賞角度就好難睇到樣，在下都調左好耐角度先影到。 底座有啲雜草同破爛嘅混凝土，有末世Feel。 背面來一張。 好啦，在下真係等唔切啦，我而家就要玩。

上一次開左One Piece Film Z Figuarts Zero嘅反派同配角，而家就輪到主角們啦。資料性嘅野唔多講，有咩野睇番上篇啦。 上一篇: "開箱" One Piece Film Z Figuarts Zero - Part 1 上次提到草帽團都以中歐風格打扮進入最終決戰，下面就一圖睇哂佢地係電影入面嘅造型。 人物眾多，在下先從三大主力開始開苞。 路飛 白痴擔當。背後好大舊肉搶哂焦點。 呢個造型最特別嘅地方就係冇左路飛嘅命根草帽，根據劇情當時佢嘅草帽俾澤法搶走左。留意到服裝嘅表現非常好，有實在嘅皺摺感，塗裝有層次，鈕扣，衣領、綁住舊肉條皮帶等等細節都好仔細，Very Good。 頭髮有少少塵，要處理下。路飛面相簡單，基本上唔會搞壞，表情到位。 大舊肉有質感，但係色澤好似麻麻。 在下一定會留意路飛草鞋嘅部分。可以見到今次對草鞋好細緻。 索隆 路痴擔當。三把刀可以自己一把把咁插入腰帶度，好過癮。 同大家複集一下，由上至下分別係和道一文字、三代鬼徹、秋水。三把刀唔係同啲實淨嘅物料，可以見到三把刀都有少少變形跡象。 大褸可以唔著，同樣咁型，剛陽味重。 披上大褸之後多左一份瀟灑同不羈。服裝同路飛算係同一個風格，兩個角色服裝嘅塗裝同細節等等表現都非常好。 面相高還原，表情有殺氣，型。 比較可惜嘅地方就係左手手指竟然只係同畫線黎表示，有啲求其。 腰帶放刀嘅地方好狹小，隨時放唔落，想擺到好睇係要少少技巧。 皮革長靴在下幾喜歡。 山治 花痴擔當。風格開始有少少唔同，件Mink都幾剎食。 同索隆一樣，即使唔披件皮草都係咁有型。服裝繼續係保持水準。 披左就係另外一種型，有少少黑幫嘅感覺。但係近睇嘅話件皮草感覺其實唔太好，質感好似一塊石咁樣。 面相OK啦，呢個自信嘅笑容唔錯。可惜撇鬚歪左，枝煙仔又有啲核突。 條紅色褲好Sharp醒，反光漆皮，好彩Carry到。手上嘅手槍其實都做得好精緻，可以清楚見到上面嘅木紋。 下一PART，在下嘅老婆 娜美 終於要登場啦。