玩物喪誌

唔知大家細細個果陣有無睇開咩卡通長大呢？有人可能係睇20年前10歲嘅小智係真新鎮出發，到宜家現年10歲嘅小智嘅寵物小精靈。 有人係睇三個戴住頭巾，烏龍百出嘅忍者亂太郎。 有人睇好熱血，「我想打籃球」嘅男兒當入樽 當然都有啲女仔會睇玩晒古羅卡嘅「百變小櫻Magic card」 身為90後男仔，有一套必然要睇嘅，就一定係8個被選中嘅小朋友「數碼暴龍」。1999年播出嘅數碼暴龍得到好大迴響，細個果陣就當你無愛上戰鬥暴龍獸第一次嘅究極進化 巴達獸進化天使獸，用天堂之拳同惡魔獸同歸於盡 又或者係兩大究極體自相殘殺嘅悲壯場面 都一定有以下幾幕最大嘅回憶（你懂的） 每個鐘意睇數碼暴龍嘅小朋友，都應該有佢最鐘意嘅角色。隊長就最鐘意代表友情嘅鋼鐵加魯魯同大和，又有型又有義氣。之後數碼暴龍有出02，03，呢兩套隊長都有睇過，不過果種親切感就大不如前，更唔好講之後嘅04 05 06等等，實在係垃圾到唔垃圾（大門大獸都夠膽死作出黎，你話笑死唔笑死，唔知咩係大門大獸就自己search下啦）正當以為數碼暴龍一蟹不如一蟹，以為一代回憶就咁消失，呢套戲就上畫，叫做比番一個回憶比我地呢班由細陪住呢8個小朋友冒險回味一下。 先唔好講咁多，睇一睇個trailer，如果閣下係無任何感動，回憶或者勾起唔到你嘅漣漪嘅話，You may leave now。 一班已經長大嘅小朋友，一首又一首耳熟能詳嘅音樂，甚至阿古獸果把拆得黎又好鬼討厭嘅聲，不斷係度問緊我地「老朋友，你仲記得我地嗎？」太一，我地又點可能會忘記你？記得細細過放學番到屋企，即刻開電視追黎睇，打低一個又一個嘅敵人，經歷失敗，尋找自我，突破，然後新嘅進化。睇住佢地成長，我地都成長左。 細個以為吸血魔獸好難打？有天女獸出黎射死佢。以為小丑皇好霸道？絕望之際都會有神聖天使獸打開天國之門收伏佢。睇下宜家呢個社會，我地面對嘅，無皇牌飛刀，無暗黑死靈球，但係偏偏我地就係對付唔到，無阿古獸，無天使獸，無高石猛，無「希望」。 呢套戲再帶出一樣野，一啲細個你需要嘅，都大個左可能你未必再咁需要，呢啲野可能就會靜悄悄咁消失左，之係好老土果句，「失去左先黎後悔，太遲啦」。長大之後，可能有好多野定左位，仲會唔會，又或者係問，願唔願意去搵...

終於終於FDS Code:B系列黎到尾聲啦，壓軸出場嘅係絕世好姐姐蕾玖。隨住圓蛋糕篇嘅完結，蕾玖姐姐都應該好一段時間唔會再出現嫁啦。華麗嘅外觀、善解人意嘅性格同埋強大實用嘅技能，真係希望尾田大大可以俾機會呢位絕世好姐姐再次登場大放異彩。廢話噏完，馬上開包。 系列嘅其他開箱 "開箱"娜美-FLAG DIAMOND SHIP - CODE:B " 開箱"羅賓-FLAG DIAMOND SHIP - CODE:B "開箱"波雅．考漢克(女帝)-FLAG DIAMOND SHIP - CODE:B "開箱"薇薇-FLAG DIAMOND SHIP - CODE:B "開箱"佩羅娜-FLAG DIAMOND SHIP - CODE:B 繼續係冇盒嘅，只可以係包裝上面見到製作番號。(黑到乜都睇唔到…) 除左上下半身之外仲要一件小披風。底座感覺好笨重。 服裝風格同配色接近同系列嘅羅賓。同樣披風可以唔裝上，但分別唔大，冇羅賓果種驚喜。 標準挺胸收腹姿勢，大曬身材，Model咁款。服裝姿勢都相對「標準」，中規一矩啦。 面相部分都係一般水準啦。眼神同遮半面瀏海係高還原，所以神髓係做到出黎。可惜嘅地方係標誌性嘅性感厚唇竟然冇還原，有小小失望。 豐厚嘅嘴唇係蕾玖除左卷眉之外最具標誌性嘅特徵 服裝風格雖然同同系列嘅羅賓相近，但係可以留意到蕾玖服裝上冇造功上冇咁精細，例如拉鏈位係比較粗糙。 澎湃嘅胸部係基本配備，唔多講。唔知係唔係有限奶令所以胸前要加塊布，令到成個造型冇咁豪邁。 帽同手套係反光漆皮料，有Feel有Feel！ 條小蠻腰扭到盡一盡，展出最完美嘅曲線。 大腿上面係「GERMA 66」嘅標記。長靴算係不過不失。 收埋把刀仔係背脊呢個動作幾特別，有種隱藏實力嘅感覺。 披風同樣係反光漆皮效果，但表面唔卷滑好多花痕。 跟住去到一個久違嘅環節。 簡評︰中規中矩，普普通通。但係呢隻Figure係少數蕾玖會著原創嘅服裝。所以鐘意蕾玖嘅朋友係值得收藏。 最後最後，上一張百花爭艷圖。 背景有啲亂，敬請原諒

FDS Code:B系列嘅第五波，就係「幽靈公主」佩羅娜啦。佩羅娜係One Piece入面辨識度非常高，佢有一對又圓又大嘅眼仔，裝扮走哥德式少女風，性格就好似一個大唔透嘅細路女咁，加上佢特別嘅鬼魂能力，係一個非常有趣嘅人設，Fans都唔少嫁。馬上睇睇造型師幫佢換左個咩野Look。 之前同系列開箱 "開箱"娜美-FLAG DIAMOND SHIP - CODE:B " 開箱"羅賓-FLAG DIAMOND SHIP - CODE:B "開箱"波雅．考漢克(女帝)-FLAG DIAMOND SHIP - CODE:B "開箱"薇薇-FLAG DIAMOND SHIP - CODE:B 繼續係冇盒嘅，只可以上內袋包裝相。 分成上下半身兩年，上半身包到成隻糭咁，估計係要保護佩羅娜誇張嘅髮型。 OK呢張相係送嘅。底座係高跟鞋嘅一部分，扣起之後就好穩陣。底座好簡約，好慳位。 簡單裝好。由於佩羅娜走嘅係可愛風格，身材相比其他角色就唔會好澎湃，睇上適中舒服。動作都充滿少女味，符合角色設定。不過服裝上嘅細節就似乎比其他角色單調，如果可以加上哥德式或者蛋糕裙嘅感覺就更具標誌性。 面相基本上100%還原，大眼仔，紅色唇膏仲有瀏海都做齊。不過笑容望上去好似有嘅尷尬。 上身衣服同同系列娜美果件非常相似，都係水手服風格。今次胸前就加左個大蝴蝶結，整體感覺就更Kawaii ne。冇袖嘅設計就可以見到左手上面嘅蝙蝠標記。 臉兩側嘅兩條麻花辮有種奇特嘅扭曲，不過佢係軟身嘅，可以慢慢調整。 呢個拉扯上衫嘅動作有啲似女仔怕醜嘅動作，係唔係兩年冇著過露臍裝有啲唔習慣呢。(佩羅娜兩年前嘅服裝係露臍長袖衫配短裙，兩年後變成連身蛋糕長裙) 內八腳是必須的，呢個係佩羅娜標誌性嘅站姿。 短裙擺動幾乎走光，仲要開左個叉，露出大腿同性感嘅吊帶襪，個人認為有啲唔夾。 「你真是不可愛﹗」 有時轉轉風格都會有眼前一亮嘅感覺嘅… 背後睇絕對係會被佢華麗嘅髮型吸引到。 超級螺旋羊角辮，感覺係好睇嘅。(見到突然好想食士多啤梨味雪糕) 頂帽要特別注意，呢個接縫嘅痕跡，有冇令大家諗起佩羅娜嘅「好朋友」庫瑪西呢。 後腳原來暗藏一個咁可愛嘅蝴蝶結。 總評: 設計上比較單調，服裝冇乜個人風格。但係造功唔錯，尤其係處理華麗同浮誇嘅髮型。 最後忍唔住想Key...

一套好嘅劇，係做完嘅一刻，你會唔會諗「仲有無呢？」「咁就完左，無得再睇啦」。所以，當有續集出現，首先代表前作做得好，出續集令人繼續回味。又或者，係前集仲有未完嘅事，今次要將呢件事。 但係叫得續集，人物事情元素上點都要有啲關連，否則，又點叫續呢？ 作詞：林日曦 作曲：鄧智偉 編曲：葉澍暉 監製：鄧智偉 耿耿於上次太絕情 殘留全是冷漠佈景 糾結故事極難忘 難忘愛你但我沒承認 都只因上次太忘形 誰人才重要未看清 應有對白被遺忘 遺忘半句道歉沒說清 若是幸運地展開續集 讓我學會把握 日夜背誦陌生的獨白 讓態度也掌握 只要可跟你再遇見 傷過的會珍惜每刻 從頭開始 多多一次靠你我來重演 多多一集上集就如排練 就讓劇情緩緩改變 從頭飾演 飾演一個更信愛情人選 相戀之道上集未能完善 耗盡熱情重來一遍 仍然是我 或會倔強一點 但未會想 像上回被討厭 只想這一次愉快 能成為最主線 當呼吸是照舊無常 前行仍舊遍地雪霜 當四季尚在場時 能懷抱你是最大理想 現實是混亂間分別後 沒有力氣再走 現實是日夜只懂念舊 沒有辦法放手 只妄想跟你去避世 風再急 可捉緊你手 從頭開始 多多一次靠你我來重演 多多一集上集就如排練 就讓劇情緩緩改變 從頭飾演 飾演一個更信愛情人選 相戀之道上集 未能完善耗盡熱情重來一遍 仍然是我或會倔強一點 但未會想像上回被討厭 只想這一次和你能同行到終點 忘記危殆畫面 第二次學脫險 趁機可清理 太多缺失太多的虧欠 忘記暴雨畫面 第二次望向天 總可雨過晴天 何時開始 多多一次看你我如何演 多多一部續集用來如願 命運或能完全改變 然而現況是各自各一邊 但願有天 會真的跟你結識暗戀熱戀多一遍 期盼來到這天 遺憾橋段可變 時間場地改變 唯獨人物不變 繼第一輯之後，on call口碑好，再添食一輯。好驚喜地，主題曲都係Joey唱，填詞都係林日曦。今次呢首，我覺得比上次果隻更超水準。 首先啲字依然用得好靚，好似「日夜背誦陌生的獨白」表現出主角果種忐忑，為左可以當有機會遇見嘅時候唔好講錯做錯，背誦想對對方講嘅野。一開始時嘅「耿耿」，又係用得好妙，放係歌嘅開頭，隊長就好鐘意啦。 第二點呢，相信會好似教書咁（隊長曾經讀過小小文學，不過成績太差，不值一提。） 就係歌詞入面用左好多修詞手法，有排比句，利用想同嘅字眼做開頭，有「現實是混亂間分別後 沒有力氣再走」...

開下開下黎到系列嘅第四隻。薇薇被稱為沙漠公主，因為佢堅強嘅性格 同埋身材美貌 受到一眾海迷嘅愛戴，即使阿拉巴斯坦篇完結之後人氣依然旺盛。薇薇最初以「Miss星期三」身份登場，當時已經試過壞女孩特務嘅造型，但似乎唔係咁討好。今次再一次挑戰呢種風格究竟會出現咩野效果呢。 之前同系列開箱 "開箱"娜美-FLAG DIAMOND SHIP - CODE:B " 開箱"羅賓-FLAG DIAMOND SHIP - CODE:B "開箱"波雅．考漢克(女帝)-FLAG DIAMOND SHIP - CODE:B 同樣係以無盒形式收番黎，好彩內袋上面有制造番號。 簡單分成上下半身。底座嘅設計同之前幾隻又有啲唔同，簡潔好多。長靴係漆皮造型，所以有特別保護以防刮花。 呢個位超實，好大力先入得到。 姿勢唔算好特別，但係就呈現到全身嘅曲線。服裝設計都愈睇愈有味道，簡單就是美。 面相表現一般般啦，睇上去係一個靚女，但個人感覺個鼻同個咀就唔係咁還原。眼神就相當唔錯，十分堅持。 最吸引注意力嘅呢個豐滿嘅上圍，上身服裝完美呈現果種就快逼爆嘅感覺。有緣人係胸前會見到一個心心圖案。另外就係條小蠻腰，性感度爆表。 下身線條都係高水準。只係右腳上面嘅槍帶塗裝部分麻麻地。長襪部分靚到爆，紋路同漸層色都好好睇，仲有膝頭哥位置嘅皺摺感。 腰帶側身有個蝴蝶結點綴增添少少可愛感，同薇薇公主都幾襯。 長靴漆皮效果唔錯，靴上面嘅細繩處理得麻麻係一向景品嘅通病。 美背圖。完美嘅S型曲線。 頭髮表現個人認為麻麻地。有造漸層效果但係做得唔好。刻紋太淺冇頭髮嘅感覺。 總評︰相比同系列唔太突出但就呈現到一種簡單美，而且造型特別，非常值得好藏。