為左慶賀我地偉大嘅船長路飛嘅大日子，《玩物喪誌》迎來呢次「特別企劃」，會開箱一隻比以往唔同嘅公仔，賀一賀船長牛一。呢隻公仔特別嘅地方就係佢真係超級巨大同重磅，同埋有一款路飛嘅GK模型係以呢隻巨型公仔作為原型。雖然在下搵唔到呢款公仔出廠嘅資料，亦都搵唔到官方授權嘅貼紙，但係呢款來歷不明嘅公仔品質唔錯，而且價錢唔太貴，所以在下就入左手啦。
⚠本次開箱涉及重要劇情介紹，如果唔想被劇透，未完成德雷斯羅薩篇嘅朋友就千祈唔好睇落去啦⚠
先睇下個外盒先。實在太大個，只可以放係枱面影。香港地吋金呎土，在下一直都唔敢打開呢隻公仔，外盒已經破爛不堪。
經過實測，盒高度有60cm，重量大約3-4kg。
一睇路飛著住嘅花花裇衫就知道係想還原德雷斯羅薩篇同多弗朗明哥決戰時候嘅場景。當時路飛同羅合作討伐多弗朗明哥，但係明哥能力太強大，佢地兩個一直處於下風，羅更加俾明哥斷臂。明哥同一時間使用絕技鳥籠，企圖將島上所有嘅人殺死，路飛係絕境之下進入四檔彈跳人狀態，一記「猿王槍」將恥笑佢企都企唔穩嘅明哥係山頂打左落山，撞爆左十幾座建築物先緩衝到個衝力。之後再經歷一輪打鬥之後，最後路飛用「大猿王槍」同明哥嘅「神誅殺」對憾，最終將明哥撃敗，將播放左足足三年嘅德雷斯羅薩篇帶到尾聲。路飛賣力嘅出演同明哥出色嘅人物塑造令到呢場戰鬥非常精彩，在下時不時都會重溫一下。
唉，廢話愈講愈多，馬上黎開個箱。
本體都有50cm高，超級巨大將在下嘅小型攝影棚逼爆左。整體黎講係霸氣十足，動作同動畫有少少出入，例如動畫係右手出拳而公仔係左手出拳，不過無傷大雅。比較可惜嘅就係熱蒸汽特效太實在，睇落似騰雲駕霧多啲。
近睇面相都係唔差，額頭有青筋暴現。路飛面相容易處理唔會有太大問題。
裇衫有破損效果，但係厚重感太強，唔好睇。
拳頭嘅顏色非常好睇，呢度做出黎嘅效果就係將拳頭縮入蓄力嘅動作。
拳頭差唔多同在下嘅拳頭一樣大小。
右手同雙腳同樣用鍍金紅黑色，個人黎講非常之喜歡呢種色。
胸口疤痕一呈現般般，花紋都係一般般。另外就係坑線太明顯。
後背花紋有同樣問題。裇衫飄動令到件衫嘅厚重感更加明顯。比起飄逸感，件裇衫造出因為身體澎漲而出現嘅蹦緊感覺更為合適。
最後黎個草帽特寫，唔算做得好好，合格啦。
由於太大舊放唔到上架度，只可以放係鞋櫃上面鎮宅…
⚠本次開箱涉及重要劇情介紹，如果唔想被劇透，未完成德雷斯羅薩篇嘅朋友就千祈唔好睇落去啦⚠
先睇下個外盒先。實在太大個，只可以放係枱面影。香港地吋金呎土，在下一直都唔敢打開呢隻公仔，外盒已經破爛不堪。
經過實測，盒高度有60cm，重量大約3-4kg。
一睇路飛著住嘅花花裇衫就知道係想還原德雷斯羅薩篇同多弗朗明哥決戰時候嘅場景。當時路飛同羅合作討伐多弗朗明哥，但係明哥能力太強大，佢地兩個一直處於下風，羅更加俾明哥斷臂。明哥同一時間使用絕技鳥籠，企圖將島上所有嘅人殺死，路飛係絕境之下進入四檔彈跳人狀態，一記「猿王槍」將恥笑佢企都企唔穩嘅明哥係山頂打左落山，撞爆左十幾座建築物先緩衝到個衝力。之後再經歷一輪打鬥之後，最後路飛用「大猿王槍」同明哥嘅「神誅殺」對憾，最終將明哥撃敗，將播放左足足三年嘅德雷斯羅薩篇帶到尾聲。路飛賣力嘅出演同明哥出色嘅人物塑造令到呢場戰鬥非常精彩，在下時不時都會重溫一下。
唉，廢話愈講愈多，馬上黎開個箱。
本體係一體形。拳頭部分特別有膠紙保護，可能係為鍍金色容易刮花，不過其餘三肢就冇特別保護啦。
近睇面相都係唔差，額頭有青筋暴現。路飛面相容易處理唔會有太大問題。
裇衫有破損效果，但係厚重感太強，唔好睇。
拳頭嘅顏色非常好睇，呢度做出黎嘅效果就係將拳頭縮入蓄力嘅動作。
拳頭差唔多同在下嘅拳頭一樣大小。
右手同雙腳同樣用鍍金紅黑色，個人黎講非常之喜歡呢種色。
胸口疤痕一呈現般般，花紋都係一般般。另外就係坑線太明顯。
後背花紋有同樣問題。裇衫飄動令到件衫嘅厚重感更加明顯。比起飄逸感，件裇衫造出因為身體澎漲而出現嘅蹦緊感覺更為合適。
最後黎個草帽特寫，唔算做得好好，合格啦。
由於太大舊放唔到上架度，只可以放係鞋櫃上面鎮宅…
ゴムゴムの…大猿王铳！
留言
張貼留言