上次就開左年輕活力嘅娜美Swan啦，今次就輪到成熟知性嘅代表羅賓醬啦。羅賓憑住佢嘅知性美同反差萌，人氣非常之高，不過在下個人喜好就唔太喜歡姐姐型嘅人物，呢款羅賓都係為左要湊齊一Set而入手。本來冇抱住任何期待地開，但係開左出黎之後非常之有驚喜。前言唔多講啦，有咩野睇番之前同系列嘅開箱。
睇番上一隻:"開箱"娜美-FLAG DIAMOND SHIP - CODE:B
先上外盒圖
一如以往，簡潔嘅封面，本體基本嘅三面圖。
本體簡單分成上下半身，另外有外套同一把劍配件。底座係在下最愛嘅慳位型，但同上一款娜美一樣，底座同鞋嘅顏色太接近，有機會出黎有種一Pat野嘅感覺。頭部分有特別保護，呢個系列嘅保護比較有心。
劍配件直直插入羅賓PatPat入面，非常怪異，而且感覺唔穩陣，容易鬆脫。
唔披上外套意外地好睇，露出左香肩之後竟然散發住一股女王氣息，霸氣度狂飆。
美背圖。唔披上外套突然出現左王者氣派，真係估佢唔到。
披上外套之外又係另一種感覺，變成專業模特兒嘅感覺。姿態加上後面飄逸嘅外套，在下感覺好似係Studio幫緊模特兒影相咁。
充滿自信嘅眼神、正經認真嘅表情，魅力值爆哂燈，真係有種專業模特兒嘅風範。
頭髮係偏成熟感嘅造型，符合人物設定。造功上可以見到外套上面精細嘅拉鏈，真係逐個逐個齒咁造出黎。
華麗嘅服裝將羅賓嘅好身材完全展現出黎，外套同上衣都有皮衣嘅感覺，睇落順眼。
至於下身…係一個非常前衛嘅設計，可能在下比較落後，唔係咁識欣賞。還好羅賓姐姐Carry到呢個前衛嘅設計。
條褲係胯下開左一個大洞，在下只係聯想到開"浪"褲呢個概念，抱歉糟蹋左設計師嘅心血。
背面圖。除左條褲係PatPat有個大開口，整體在下認為係好好睇。
從後面睇可以見到飄逸嘅外套造型，在下俾10個like。
整體黎講算係唔錯，只係純粹個人未消化到一啲前衛嘅設計。😂
留言
張貼留言