玩物喪誌

經歷左大半個月，在下終於完成呢趟係Midgar嘅《Final Fantasy VII Remake》之旅可以休息一下。作為一款經典嘅神作，本來重製一下畫面就已經可以大賣特賣，但係玩完呢款重製遊戲之後，完全感受到遊戲商SE社嘅用心，重新改寫重製版遊戲嘅定義，定立一套相信好一段時間都難以超越嘅水準。 **雖然冇比較就冇傷害，但係同期登場嘅《Resident Evil 3 Remake》同樣係重製大約二十年前嘅作品，難免會被比下去。兩款遊戲走唔同嘅風格好難以遊戲性或者內容去作比較，但係對於點樣係舊作品嘅成功之上，將一部經典推上一個更高嘅層次，《Final Fantasy VII Remake》俾在下感受到嘅心思絕對係贏十幾個身位。話哂開發時間比《RE3 Remake》多接近5倍，又令玩家引頸以待，成品冇番咁上下質素都可以執包袱番歸。 文長建議配合音樂服用♪ 遊戲劇情進度開宗明義，只有原版一成?! 一款好嘅重製遊戲要同時滿足老玩家同新玩家，老玩家要攞得番以前嘅感覺，未玩過嘅新玩家同樣可以容易融入遊戲。《FF7R》係開發階段已經開宗明義表示，遊戲內容只係包括原版嘅Midgar篇，對老玩家黎講，姐係只係得遊戲序章部分。未玩過嘅《FF7》嘅朋友聽起上黎應該好得人驚，其實原版《FF7》遊戲時間出哂名係好長，即使序章部分過一次關都要大約七至八個鐘頭。當然，一眾老玩家對遊戲完整性都抱有懷疑又或者想等到所有劇情都做好先買。在下就覺得咁樣講到明，比上一集嘅呃錢手法更高明。 可以睇埋 "遊戲""Throwback Thursday"《Final Fantasy XV》 早玩早享受，在下從來冇諗過要等哂完整版先買，結果一次嘅通關時間接近三十個鐘頭。當中包括新增一啲支線任務，同埋對一啲角色更深入嘅描寫，包括一啲配角嘅劇情，令成個故事更豐富。整體黎講故事有一定嘅完整性，當然故事仲未完結但作為一個篇章黎講係完整嘅，就好似《哈利波特》咁，雖然總共有七集，但係每一集都有佢嘅完整性，同時又令人期待下一集嘅來臨。以遊戲內容黎講，在下認為係對得起佢嘅價錢。 增加左同雪崩三人組之間嘅互動，見到更多佢地有趣嘅一面 白金時間用左八十幾個鐘頭，但在下未見有作業感嘅疲勞 爆機元素以及收集...

俾遊戲浪潮衝擊，經歷左一段去廁所都唔得閒嘅時期之後，又係時候處理一下一堆被冷落嘅Figure啦。今次要開嘅系列係2018年推出嘅Flag Diamond Ship Code:B系列，六位One Piece入面嘅女角化身特務(秘密組織)，造型非常特別同有型。係朋友嘅慫恿下決心要收齊哂一套六隻，由於入面嘅蕾玖非常之難搵，網上見到賣家一套六隻咁賣，在下唔理本來已經收集左兩隻，一口氣將六隻打包番屋企。首先以在下最愛嘅娜美打響頭炮。 先上四面盒圖。 標準長盒，一貫Flag Diamond Ship嘅風格，盒面設計十分簡潔，基本本體四面都睇到哂。 內容物簡單分成上下本身，仲有枝 調教 棒。頭部份有特別保護，相信主要係保護頭髮部分，女角如果係紥辮造型，係運送途中好容易整斷。 底座係鞋踭嘅一部分，好特別嘅設計，不過對於唔鍾意用底座嘅玩家就唔係一個好消息。本來呢隻小型底座在下係幾喜歡，不過佢顏色同隻鞋撞左色，觀感就好似隻鞋混左入一Pat黑色野度，唔好睇。 調教 棒安裝須要對準右手手掌同後頸位置穿過去。 整體造型好特別，特務緊身衣混入少少水手服風格，加上好少見嘅孖辮造型，性感不失可愛，在下認為係唔錯嘅設計，不過別樹一格同不倫不類都只係一線之差。以 調教 棒代表娜美嘅招牌武器天侯棒，服裝、姿勢、道具加上臉上詭異嘅笑容，S味極濃。 面相還原度唔錯，有唇膏襯托下略顯成熟感。頭頂有一條好明顯嘅分模線。 背後嘅 調教 棒因為左手位置做得高左所以有少少彎曲，相信係個別出現嘅小瑕疵，需要後期調整。 雖然呢個造型比較保守冇露胸，但係從上半身衣服嘅拉扯感都可以感受到一種廣闊嘅胸襟。服裝嘅塗裝同埋質感個人唔係太喜歡，有一種車呔皮嘅感覺，怪怪地。 模特兒級嘅細腰圍係海賊王女角嘅基本配備，唔洗多講。自然嘅扭動增添活力感。 皮帶部分好細緻，短褲比皮帶束住嘅感覺都非常唔錯。長襪間條紋有啲坑紋，但問題不大。靴上面綁住橙色蝴蝶結，非常之「娜美」。 底座部分上面都提過，由於顏色冇分開，睇起上黎就好似成Pat野咁。 調教 棒上面都有呢個娜美風格嘅蝴蝶結。 後面睇更清楚睇個成個肢體動作，睇上去有啲怪異。 難得一見嘅孖辮...

Final Fantasy VII Remake就上個星期就出左啦，在下玩左一個星期左右，完全感受到呢款重製遊戲滿滿嘅誠意呀，相信一眾FF迷都應該玩到不亦樂乎。在下就抱持慢慢嘆嘅態度去玩呢個遊戲，到而家都仲未爆機呀(卡關)，慢慢享受同Tifa一齊嘅時光。當玩緊一啲系列新作嘅時候，不禁會回想一下系列嘅前作，今次Throwback Thursday就回顧一下系列正傳嘅前作Final Fantasy XV。 注意: (1) 由於在下玩呢款遊戲嘅時候冇截圖，所以所有圖片都係係網上面搵番黎 (2) 在下只有玩本傳，後面一大堆DLC都冇玩，所以以下所以心得都撇除所以後期DLC 準備好就上車啦喂﹗ 講得唔好唔好打甩我眼鏡 簡介 同以往作品一樣，Final Fantasy系列之間嘅故事都係冇任何連繫，XV有自己嘅故事同世界觀。故事大綱就好簡單， 路希斯與尼弗爾海姆呢個兩個國家本來一直打仗，直至尼 弗爾海姆提出停戰協議，並且將附屬國 特涅布萊耶王國嘅公主露娜許配比路希斯嘅王子諾克堤斯結為姻親。本來以為和平來臨嘅諾克堤斯就決定同幾個老友一齊去個旅行。就係旅行途中諾克堤斯收到亡國嘅消息，原來係路希斯比 尼弗爾海姆背叛左，父王亦都慘遭毒手。於是佢同幾個老友要一齊要搵齊係先王陵墓嘅十三把幻影劍同六神嘅啟示去光復自己嘅國家。 人物設定╴靚仔靚女大合集 Final Fantasy 一向都多靚仔靚女(或者可以描述為MK)，今集同主角同行嘅有三位靚仔咁多，而且佢地各有特色，除左係劇情表現上面，同主角同行期間透過佢地之間嘅對話會見到佢地有好唔同嘅性格，為呢趟行程增添好多趣味。而且四個大男孩入面總有一個同玩家有共嗚，有憂鬱浪子諾克堤斯、知性男子 伊格尼斯、男子氣概爆發嘅格拉迪歐同陽光男孩 普羅恩普特，點都中一個掛。 另外靚女都係應有盡有，有活潑靈動型嘅車房女 希德妮、有仙氣女神露娜、有蘿莉 伊莉絲、姐姐型龍騎女 艾拉尼亞，個個除左造型吸引，角色刻劃都好鮮明，係呢個遊戲入面各司其職。 車房女希德妮好明顯係福利擔當 但係好可惜遊戲入面嘅大反派人設就差左少少，設計上佢能力強大同神秘，但係過分神秘，古怪行徑令到玩家摸不著頭腦，就算爆埋機都唔知佢係度做乜。(之後有付費DLC對呢個角色有更深刻嘅描寫，但係個人認為呢啲描寫好應該係係本篇遊戲入面出現)再...