真係不厭其煩要再講多次，今年嘅遊戲浪潮一波接一波，就算留係屋企抗疫，分分鐘玩到去廁所都唔得閒。岩岩一巴Resident Evil 3 Remake打埋黎，氣都未抖順，另一巴掌Final Fantasy VII Remake又準備車埋黎，呢個復活節假期都係乖乖地留係屋企啦。
早幾日Resident Evil 3 Remake完左，整理左一啲自己嘅感想果陣，其中牽涉到一啲關於挑戰性同獎勵嘅話題，令我突然聯想到一隻5年前推出嘅遊戲。今日Throwback Thursday就介紹一下呢款舊作-《The Evil Within 邪靈入侵》。
隨意門:"遊戲"Resident Evil 3 Remake 封片文
***由於在下玩嘅時候冇乜點截圖，所以以下圖片都係網上搵番黎
係介紹之前，我先講明呢款遊戲係我心目中係一個神作，但係我唔會推薦俾所有人，因為我認為呢個遊戲完全唔符合主流市場，某程度上可以形容為一個Cult遊戲。如果你生活上冇乜壓力、有耐性同時又喜歡恐怖體驗、查案推理或者科幻事物，我十分建議你可以親身體驗下呢款遊戲。但係如果唔符合以上嘅條件，咁就聽下介紹就算數啦。
今次嘅介紹，我會先苦後甜，先講一啲在下認為唔係咁好嘅地方。
遊戲過程會不定時可以進入一個類似診所嘅空間，玩家可以係入面做下升級，整理下物品，裡面仲有好多關於故事嘅線索。係全程高壓嘅遊玩途中作為玩家唯一嘅避風塘。但係隨住劇情發展，護士姐姐失左蹤，診所竟然仲要被人侵略，認真令人崩潰。
另外一啲遊戲入面一啲特效都係極差，包括經常出現嘅血腥畫面。對於一啲靜態嘅畫面呈現，例如地下嘅血跡等等尚可以接受。但係動態特效例如敵人血肉飛濺嘅效果太誇張唔自然，處理呢啲血肉嘅技術都唔成熟。
最令人廢解嘅係，係呢個年頭個畫面竟然仲有舊式電影果頂底果兩條黑邊，無論你用咩野尺寸嘅Mon，呢兩條黑邊都係整唔走，有三分一Mon俾佢浪費左。(係續作入面，製作人以呢條兩條黑邊作為其中一個破關裝勵黎幽自己一默)
簡單黎講，論畫面呢款遊戲似係2004年出品多過2014。
(順帶一提，呢啲毛病係三年後再推出嘅續作有大躍進)
雖然踩爆佢嘅遊戲畫面，但不得不講遊戲嘅音效同埋一啲驚嚇效果係做得唔錯。並唔係講緊突然彈隻野出黎嚇你嘅Jump-scare，而係係一啲玩家背後嘅一啲腳步聲，係轉角位出現嘅巨大影子，都俾到玩家好大嘅壓逼感。Jump-scare就只係好適當咁安排，絕對冇濫用嘅情況。呢啲設計勉強為差勁嘅畫面挽回少少分數。
最令在下深刻印象嘅就係遊戲入面嘅最高難度Akumu(あくむ ，姐係惡夢)，呢個難度係點呢，普通敵人嘅移動速度係三倍、得到嘅資源包括腦液(用黎升級主角能力)會減少、而最重要嘅係主角只要受到任何傷害都會立即死亡，哪怕係唔小心俾隻雀仔啄左一下，都會立刻係原地過身。以下就係在下嘅過關紀錄。
普通難度之下，無傷過關唔算太難，但係加上敵人加速同資源減少呢兩個設定之後，就難到嗌救命。故事入面有好幾次要係一啲好狹窄嘅地方入面困獸鬥，有一幕係一個吊車上面比四周圍嘅敵人圍射，呢啲都係好危險好難避免唔受傷害嘅關卡。而係資訊短缺之下，玩家往往需要做好多冒險行為去節省資源，每一次都係驚心動魄。最弊就係本身主角嘅設定嘅體能係麻麻地，佢跑兩步就會喘氣呢個弱點係呢個難度就成為致命傷，幾多次就係因為主角跑唔郁而受傷，手掣都玩鬼爛。
仲乜要咁慘?因為爽快嘅野就係建立係呢個痛苦過程之上。完成呢個難度之後，隨左可以拎到獎盃之外，仲可以得到一個隱藏武器 - 手指虎(其實低一級難度都可以得到，在下當時搞錯左)，主角從此變成一拳超人(Boss戰係需要打多幾拳)，爽度比起火箭炮更勝一籌。
遊戲畫面絕對係硬傷，雖然令人失望，亦未至於破壞遊戲體驗嘅。
早幾日Resident Evil 3 Remake完左，整理左一啲自己嘅感想果陣，其中牽涉到一啲關於挑戰性同獎勵嘅話題，令我突然聯想到一隻5年前推出嘅遊戲。今日Throwback Thursday就介紹一下呢款舊作-《The Evil Within 邪靈入侵》。
隨意門:"遊戲"Resident Evil 3 Remake 封片文
***由於在下玩嘅時候冇乜點截圖，所以以下圖片都係網上搵番黎
係介紹之前，我先講明呢款遊戲係我心目中係一個神作，但係我唔會推薦俾所有人，因為我認為呢個遊戲完全唔符合主流市場，某程度上可以形容為一個Cult遊戲。如果你生活上冇乜壓力、有耐性同時又喜歡恐怖體驗、查案推理或者科幻事物，我十分建議你可以親身體驗下呢款遊戲。但係如果唔符合以上嘅條件，咁就聽下介紹就算數啦。
今次嘅介紹，我會先苦後甜，先講一啲在下認為唔係咁好嘅地方。
中文譯名嘅迷思
遊戲原名叫做《The Evil Within》，中文直譯就係「內在嘅魔鬼」，其實係非常之切合故事嘅主題。而黎到港台就譯左做《邪靈入侵》，完成哂成個劇情就會覺得唔多對題，仲同英文名有一個相反嘅意思。加上故事劇情就好似偵探小說咁要慢慢推理同拚揍，一個唔係好準確嘅名就可能會混淆玩家嘅思路啦。
全程高壓嘅遊戲體驗
遊戲製作人係生化危機之父三上真司，佢係《The Evil Within》入面繼續發揮佢製造恐怖體驗嘅本色，配合令人摸不著頭腦嘅故事設定，玩家必須要抵抗壓力去過關。
首先，呢款遊戲繼承一貫初代度生化危機嘅作風，低量咁配置彈藥，俾玩家去體驗彈盡糧絕嘅感覺。儘管主角可以使用強力嘅十字弩，但係都要先冒險先拆解一啲陷阱黎獲得材料，就睇你肯唔肯搏。
之後就係地形嘅設置。呢種遊戲探索係一個好重要嘅環節，玩家唔只搜括物資，總要好似查案咁搵線索。做呢啲事情之前隨左要擔心走來走去嘅敵人，仲要留意擺到周圍都係嘅陷阱，而在下嘅體驗係呢啲陷阱嘅設置都係充滿惡意，如果一個唔留意中左陷阱，輕則比捕獸夾夾住隻腳，重則全身爆炸而死。任何時候都咁樣步步為營都咪話唔大壓力。
之後就係地形嘅設置。呢種遊戲探索係一個好重要嘅環節，玩家唔只搜括物資，總要好似查案咁搵線索。做呢啲事情之前隨左要擔心走來走去嘅敵人，仲要留意擺到周圍都係嘅陷阱，而在下嘅體驗係呢啲陷阱嘅設置都係充滿惡意，如果一個唔留意中左陷阱，輕則比捕獸夾夾住隻腳，重則全身爆炸而死。任何時候都咁樣步步為營都咪話唔大壓力。
 |
| 一個唔為意行埋去就直接玩人體爆炸啦 |
劇情嘅緊湊度亦都係加重玩家負擔嘅元素，一般線性通關類嘅遊戲都係由一個地方去到另一個方，而且目標清晰，就算會有途中突發劇情，玩家心中都有個譜要點玩。但係因為《The Evil Within》嘅場景設定係虛幻嘅世界，故事場景會高頻轉換，上一秒仲打緊怪，下一秒可能就去左另一個地方俾隻大怪物追緊。同時間因為呢啲場景不斷轉換，關卡與關卡之間又冇連貫性，好多時玩家都冇一個明確嘅目的跟住落黎要做啲乜，淨係漫無目的咁不斷前進，緊張嘅情節又安排得好緊密，好少有令玩家放鬆嘅地方，意志力唔夠嘅話真係唔知自己係度做緊啲乜。加上岩岩提到啲低量資源配置，整個遊戲都令人非常大壓力，仲好易迷失。
 |
| 幕後主腦步步進迫，完全唔俾玩家喘氣 |
遊戲過程會不定時可以進入一個類似診所嘅空間，玩家可以係入面做下升級，整理下物品，裡面仲有好多關於故事嘅線索。係全程高壓嘅遊玩途中作為玩家唯一嘅避風塘。但係隨住劇情發展，護士姐姐失左蹤，診所竟然仲要被人侵略，認真令人崩潰。
 |
| 透過破鏡可以進入秘密空間，但係最後呢個空間都難逃被摧毀嘅命運。 |
低質素嘅畫面或特效
作為一款2014年年尾嘅作品，《The Evil Within》嘅畫質完全係唔入流。冇實質去研究畫質嘅實際参數，但係親身嘅體驗係完全唔清，仲有唔自然嘅光影效果成個遊戲體驗就好似睇緊一套低清電影咁。入面嘅人物面貌表情、動作都係非常生硬，令人睇到相當之唔舒服。另外一啲遊戲入面一啲特效都係極差，包括經常出現嘅血腥畫面。對於一啲靜態嘅畫面呈現，例如地下嘅血跡等等尚可以接受。但係動態特效例如敵人血肉飛濺嘅效果太誇張唔自然，處理呢啲血肉嘅技術都唔成熟。
最令人廢解嘅係，係呢個年頭個畫面竟然仲有舊式電影果頂底果兩條黑邊，無論你用咩野尺寸嘅Mon，呢兩條黑邊都係整唔走，有三分一Mon俾佢浪費左。(係續作入面，製作人以呢條兩條黑邊作為其中一個破關裝勵黎幽自己一默)
簡單黎講，論畫面呢款遊戲似係2004年出品多過2014。
 |
| 兩條大黑邊浪費左三分一個Mon |
(順帶一提，呢啲毛病係三年後再推出嘅續作有大躍進)
雖然踩爆佢嘅遊戲畫面，但不得不講遊戲嘅音效同埋一啲驚嚇效果係做得唔錯。並唔係講緊突然彈隻野出黎嚇你嘅Jump-scare，而係係一啲玩家背後嘅一啲腳步聲，係轉角位出現嘅巨大影子，都俾到玩家好大嘅壓逼感。Jump-scare就只係好適當咁安排，絕對冇濫用嘅情況。呢啲設計勉強為差勁嘅畫面挽回少少分數。
成為神作嘅要素︰創新嘅主題+撲朔迷離嘅劇情
好多醫學界嘅言論都提及過，腦部係現今科學我地認知最低嘅器官，《The Evil Within》就係呢個未知嘅領域入面發展出一段耐人尋味、「腦洞大開」嘅科幻故事，故事嘅一切就由一個中意研究腦部嘅人所引發。
 |
| 遊戲由主角調查燈塔精神病院開始 |
遊戲嘅一開始就係咁嘅﹕警探Sebastian有一日接報一個叫燈塔精神病院嘅地方發生事故，於是就同佢兩個位手下一齊前往呢個地方。去到現場之後佢地發現現場屍橫遍野，Sebastian仲比一個識瞬間移動嘅怪人襲擊至昏迷。醒番之後佢發現自己被倒吊係一個屠房度，佢逃避左一個屠夫打扮嘅怪人追擊，走出醫院，同佢嘅手下會合，仲有搵到一個係事件嘅生還嘅精神病患者Leslie一同逃走。但係大家都見到整個城市已經面目全非，係佢地面前慢慢崩潰，揸車嘅司機仲突然變成怪物導致車禍。仲未搞清楚咩野事嘅Sebastian再次同同伴失散，佢只能夠向未知前方慢慢前進。
 |
| 醒番之後係屠房度出現 |
如果係喜歡推理或好似在下咁，遇到呢啲撲朔迷離嘅事就好想知道背後嘅真相，見到以上嘅呢一段介紹真係非常之吊胃口。就好似睇緊一本小說咁非常之想追睇落去。
Sebastian一路前行遇到一個醫生，再透過佢一身為警探觸覺，佢終於理解到自己早已經進入左另一個人腦透過一個叫STEM嘅系統建構出黎嘅虛幻世界。而呢個腦嘅主人就係一開始提到細細個研究腦部嘅人Ruvik。所以之前提到令玩家好高壓力嘅襲擊同埋不斷轉換場景就非常合理啦，原來我地入左人地地盤，咁人地鐘意點舞我地都得啦。
但係黎到呢度其實仲有好多未解開嘅謎題﹕Ruvik究竟發生過咩野事?點解佢要阻止Sebastian前進?Sebastian又點解會進入左呢個空間?佢究竟同呢度有咩野關係?神秘嘅生還者究竟又點解可以係呢個充滿怪物嘅空間?Ruvik係佢嘅腦世界處處逼害Sebastian，但係點解Sebastian仲可以係呢個世界搵到協助佢嘅資源?玩家必須要向住未知嘅前方繼續進發先有機會搵到答案。
但係黎到呢度其實仲有好多未解開嘅謎題﹕Ruvik究竟發生過咩野事?點解佢要阻止Sebastian前進?Sebastian又點解會進入左呢個空間?佢究竟同呢度有咩野關係?神秘嘅生還者究竟又點解可以係呢個充滿怪物嘅空間?Ruvik係佢嘅腦世界處處逼害Sebastian，但係點解Sebastian仲可以係呢個世界搵到協助佢嘅資源?玩家必須要向住未知嘅前方繼續進發先有機會搵到答案。
 |
| 護士同診所似乎係有人安排黎協助主角，到底背後有咩野秘密? |
當然，玩家係唔會直接解開到以上嘅問題，呢啲問題嘅答案就好似一塊塊拚圖咁散佈整個遊戲，玩家就要完整咁完成成個遊戲，仲要唔遺漏任何蛛絲馬跡，先至可以慢慢拚揍到整個故事。而其實成個遊戲就滿佈伏筆，包括一啲敵人嘅造型實情都係有佢嘅意義，當玩家開始了解到一啲真相之後就會有種恍然大悟嘅感覺。
 |
| 恐怖嘅貞子蜘蛛係好多玩家嘅惡夢，其實係黎至Ruvik潛意識入面嘅姐姐Laura。佢咁強大係因為Ruvik對姐姐嘅愛/愧疚，而佢咁怕火係因為姐姐現實中係比火燒死。 |
 |
| 保險箱頭係遊戲入面嘅經典敵人，每次出場都會有出現特效，壓場感十足。保險箱象徵Ruvik想保護自己埋藏係意識入面嘅秘密(佢對人腦嘅研究成果)。 |
 |
| 作為自己世界嘅神，Ruvik當然係無敵般嘅存在。但係Ruvik嘅世界受到另一個STEM系統嘅干擾，先俾到機會Sebastian逐步逼近核心。 |
遊戲入面出現一大堆不同場景其實都有反映一啲Ruvik過去發生嘅事件或者佢潛意式入面嘅一啲思想，醫院、遊樂場、古堡同大屋都係Ruvik潛意識嘅經歷，同時Sebastian就係呢啲地方搵到好多關於真相嘅線索，甚至會直接睇番當時Ruvik同醫生之間嘅恩怨。
 |
| 遊樂場會唔會係關於Ruvik嘅童年? |
如果要詳細解釋呢個故事嘅話就大長篇啦，在下就係網上面搵到一篇好詳盡嘅解析，有興趣嘅朋友可以睇下:【全破感】邪靈入侵 (劇情全解，慎入)
印象最深刻嘅通關難度
 |
| 死左685次，死亡數直迫Dark Soul系列 |
仲乜要咁慘?因為爽快嘅野就係建立係呢個痛苦過程之上。完成呢個難度之後，隨左可以拎到獎盃之外，仲可以得到一個隱藏武器 - 手指虎(其實低一級難度都可以得到，在下當時搞錯左)，主角從此變成一拳超人(Boss戰係需要打多幾拳)，爽度比起火箭炮更勝一籌。
總結
《The Evil Within》呢款遊戲有一個好出色嘅劇本，出色嘅角色設定，而且說故事嘅技巧(吊人癮嘅技術)亦都非常高超。遊玩體驗上嘅設定的確係一種恐怖生存體驗，享受嘅會好享受，但呢種程度嘅高壓唔係個個都接受到。遊戲畫面絕對係硬傷，雖然令人失望，亦未至於破壞遊戲體驗嘅。
留言
張貼留言