一生人流流長，要做嘅決定實在太多。所有做過嘅決定，影響嘅，其實唔只係當時嘅情況，將來，更有可能連帶改變埋。人嘅一生，就係一部連續劇，不斷播放，直到離開世界嘅一刻。
作詞：林日曦
作曲：鄧智偉
編曲：Johnny Yim
監製：鄧智偉
開首的一篇是某某出生
媽媽給寶寶奉上這一生頭一吻
開端之後或晴或暗 怎麼走就像連續劇也欠缺安穩
或者 於某集我可抬頭欣賞到你
或者 一轉念便要失去你
或者 轉折漸太多 遺忘怎擁抱你
或者 擁緊偏已斷氣
情人們一呼一吸相愛到底 結局或同樣
仍想將你我這幕 演得更理想
能修補即管修補 不要再想 再一刻人便缺氧
熟悉的歌曲 等與你合唱
新一章怎可是你我分開
可否改寫得像你我當初還相愛
只可惜上集難逆轉
傷感的下集仍然未播 我會修改
如果 當晚沒有分神來緊張佈置
如果 不必誤會再猜疑
如果 將對白說得平和 不加諷刺
如果 真的可有下次
情人們一呼一吸相愛到底 結局或同樣
仍然能拖緊彼此 走絕地雪霜
如能重修好一雙 不要再想 再一刻人便缺氧
明知可一起 不要再獨唱
情人們一呼一吸相愛到底 結局或同樣
仍想將你我這幕 演得更理想
如能重修好一雙 不要再想 再一刻
誰亦要退下場
多得你在場
多得我在場
天空也在場
演好這一章 呼吸太無常
連續劇呢隻歌係 2012 年 On Call 36 小時嘅主題曲，填詞人係宜家 100毛嘅腦細林日曦。腦細比人嘅印象係沉默寡言，默默咁思考緊，而呢隻歌，寫得十分有意思。
連續劇呢首歌主要想表達，人生就好似一套連續劇咁，今日做嘅呢個因，可能就係你將來嘅果。隊長有句座右銘，就係「可憐之人必有可惡之處」。人係唔會有無緣無故嘅愛，都唔會有無緣無故嘅恨。
好似黃心穎咁，本身大有前途，電視台力捧花旦。今日落得咁嘅下場，看似好慘，實則明眼人都知，只因佢可惡過，先有可憐嘅下場。係佢嘅呢套連續劇入面，的確好似已經無咩可以再演落去嘅空間。
但呢啲係好極端嘅例子，好多時，即便係一時嘅決定，將來都會有修補嘅空間，就好似歌詞咁講，「只可惜上集難逆轉，傷感的下集仍然未播」。
所以，我地要學識做對選擇外，都要識得了解自己，有遺憾嘅事，如果再比多次機會你，你「會修改」嗎？可能你有試過一次對父母嘅關心報以惡言；可能你有一個鐘意左好耐嘅女仔，一直唔敢同佢講，最後無疾而終，只可以眼看其他男仔拖佢手一起走；可能你試過一時衝動，講左啲無法收番嘅說話，同某人分開左，留低憾事。如果以後，可以再有一次機會比你面對佢地，會唔會可以做番正確嘅選擇，「將這幕演得更理想」？
過左去嘅，唔會再有咁多「如果」，不論係「緊張佈置」，「誤會猜疑」，「說得平和，不加諷刺」，但係有「如果 真的可有下次」時，我諗，人成熟左，失去過嘅野，應該知道今次要點做。請「不要再想」，因為雖然未到「再一刻人便缺氧」。始終，有呢個如果，都係同對方嘅一種緣分。
林日曦用呢隻歌，提醒我地要make a good choice，如果真係今次做得唔好，把握機會，當機會再黎，第二次，請好好把握，唔好浪費如此良機。能夠用歌詞說理，警醒聽倌，實在做到一歌兩用，妙！
我係隊長，下次再同大家講音樂。
留言
張貼留言