遊戲又玩完，家園又被打爛埋...算啦，都係繼續Update下啲Figure啦，原來呢個Film Z系列Figure update左一半就停左。啊，我老婆娜美仲未出場啊。前言唔多講啦，有咩野就睇番前面兩Part啦。
今次嘅三位團員係一個有趣，由於佢地剛入團嘅時候戰鬥能力比較低，而且經常驚青怕死，所以被戲稱為弱小三人組。當然佢地今非昔比啦，各自都成長左好大，都可以為草帽團提供一定嘅輸出。
烏索普
不得不說烏索普係呢套Figure入面最令我驚喜嘅一隻，無論面相、造型、動作、配件都可以話係一絕。
正面睇超級有氣勢。後面100T大鎚超級搶鏡啊。
雖然塊面比啲紅鬚遮左半塊，但眼神已經拎哂分，有烏索普得意時刻嘅神韻。
半面睇清大鎚同長槍構造，金屬同木嘅質感都好正。大衣塗裝都唔錯。
近睇大鐵鎚好多灰塵。
輔助架超大舊好突兀，唔裝都企得穩，但裝左可保平安。
娜美
(老婆)
因為背後揹住成抽野，所以突別外加一個支撐。
吸引眼球嘅當然係一雙長腿。其實整體身體比例都高度還原。
面相其實幾好，表情好有娜美挑皮嘅感覺。但係頭髮都麻麻地，除左顏色太深色之外，髮尾處理都唔係幾好。
頭盔同衣服係珍珠色，個人覺得好睇。
大長腿。可以見到即使係肢體嘅上色都有特別處理(膝蓋位)，一般景品係唔會有咁仔細嘅塗裝。
唉，唔小心整跌左...Sorry。
背後揹住一個大背囊，仲有咁多枝槍，真係雖要特別支撐。配件一如既往地精細。
喬巴
個頭甩左出黎呀。係唔係好驚呢。
非常嬌小。🤣頭頂嘅大海賊帽好搶眼，塗裝非常好。
冇可能做衰嘅面相。拎住把刀嘅手仔超可愛。
後面睇。其實冇乜特別。
影完就放入櫃lu。
留言
張貼留言