One Piece Film Z Figuarts Zero 呢個系列又黎到尾聲啦，數數手指應該淨番最後三位草團員啦。廢話唔講，馬上開始。
上回提要
羅賓
羅賓係呢個系列算係福利擔當，穿著十分清涼。但係就因為咁少布而暴露左呢個系列女性角色嘅一個大缺點。
全身照，因為比較暴露，所以整個人物嘅線條望上去有啲怪異。
背照，可以見到下盤係有啲發育不良，整個身體比例唔好睇。
面相方面合格，自信冷靜嘅笑容充滿羅賓嘅神韻。但係羅賓標誌性嘅綠眼珠就唔係幾出色。
胸部十分飽滿，雪白膚色都還原番動畫兩年後嘅形象，獨立欣賞上半身係幾可觀嘅。
下盤位就係敗筆之處，太窄令到成個身體比例好怪，加上唔符合動畫入面羅賓前凸後翹嘅身材。其實之前同系列嘅艾恩同埋娜美都有呢個問題，只係佢地嘅服裝掩蓋到呢個位置，而羅賓由於少布嘅關係就將呢個缺點表露無遺啦。
呢個又扁又窄嘅PatPat破壞哂羅賓嘅線條，而且唔還原，係一個好嚴重嘅敗筆。
同動畫入面嘅身型完全唔同。(請無視面崩一刻)
個扁Pat比較偏近兩年前嘅畫風。
佛朗基
超級巨大，比澤法老師更大舊更橫。
SUPER~~~~~~~~~~~~!!!!!!整體非常有霸氣。
背後照，由於見唔到身體令人感覺好似侏儒仔。
面相基本上唔會衰，加埋副黑超，準備去開拖嘅表情。
整個肌肉呈現非常之好，上大下細嘅身型亦都抄足原著，只係個人感覺膚色太白。
手臂同膊頭表現算OK啦，金屬感有呈現出黎但唔算好出色。
布魯克
呢隻就係唯一一隻斷椿嘅角色(已經俾我拔走)，還好影響唔大。
本身服裝設計嘅配色就相當唔錯，實體化之後整體望上去非常Sharp醒。
背後睇到嘅黃色大褸同帽甘面嘅裝飾都係好Sharp醒。
面相又係冇可能性會衰(可是我沒有面，喲呵呵呵~~~~)，表情望耐左有喜感。
由於大褸冇扣起，布魯克上半身成棚骨都係外露，可以見到每一條肋骨都好仔細咁做出黎，椎骨部分都做得好真實。
BOUNS: 娜美(8歲)
電影初段草帽團大戰Neo海軍，當中娜美、羅賓、喬巴同布魯克都中左艾恩嘅倒退果實能力，身體倒退左12年，當中身體由20歲倒退成8歲嘅娜美變化最大(羅賓由30歲變18歲)。而最後戰鬥嘅上半場，由於身體仲未恢復，所以娜美就係用佢8歲嘅身體戰鬥。
係唯一一隻有盒嘅新品。外盒非常簡潔，封面係角色畫像，實物圖就係側面。
包到好實，成個一體成形唔雖要再有任何處理。
所有服裝、裝備同配件都係同正常版娜美一模一樣，只係個人仔縮細左。
因為個人仔縮左，所以後面嘅大炮直接碰地支撐。頭髮同正常版娜美一樣都係太深色。
天真可愛嘅面孔，又大又圓嘅大眼仔，還原度100%。
最後大個同細個一齊影張相。笑~~~
留言
張貼留言