《Re:從零開始的異世界生活》嘅第二季動畫已經開始放送啦，而超人氣角色雷姆一如原著劇情一樣，係第二季嘅第一集就被暴食司教襲擊至昏迷。最慘嘅係關於於雷姆存在嘅記憶同時被吞噬，所以除左主角486之外，冇人記得佢係邊個，依照原著劇情雷姆都唔會甦醒過黎。(至今小說進度依然未甦醒)
「雷姆…是誰？」相信睇到呢一幕，所有雷姆Fans(包括在下)都係傷心欲絕。所以呢一刻在下決定啟動呢個笑容守護計劃，接連地挑選在下手上一啲笑容燦爛嘅雷姆Figure黎開箱，彌補一下心靈上嘅空虛。
Hi~
「雷姆的笑容就由我來守護！」
今次要開箱嘅係呢款Precious figure系列嘅賽車女郎造型。關於Precious figure之前已經開過箱，介紹可以睇番之前嘅紀錄。
外盒嘅其他三面，都係本體嘅照片。
盒面有嚴重破損，係當時係夾公仔機粗暴對待嘅後果。仲記得當時在下企圖用隻爪將成盒公仔吊起，結果將個盒爪爛左。
內容就係本體加個底座。其實呢一套裝唔幾係在下杯茶，但比面雷姆嘅笑容，都係帶左佢番屋企。
唔同角度欣賞。雖然呢套服裝真係唔係幾岩在下胃口，但係呢個姿勢真係超級無敵Kawaii。
身段呈現都係有一定標準，所以唔多講。
隨處都可以見到486嘅標記。胸衣、熱褲同長靴都係486身上運動嘅配色，而底座、帽、仲有上身外衣都出現左486運動服嘅N字Logo，雷姆果然係486嘅超級Fans。
好多486件運動服嘅特徵都出現左係呢個賽車女郎服裝上面。
面相相信係無可挑剔嘅水準啦。水汪汪嘅大眼仔，面上泛紅嘅感覺，光點都有做出黎，神韻捕捉得非常好。
頭髮上面嘅奇怪接線超級令人睇唔順眼。
觀感舒適嘅胸部，胸衣上面嘅針織感非常好(基本上呢個技術係呢個系列不斷重覆使用)
透明衣衫嘅感覺做得非常好，起步唔會感覺好笨重，飄逸感都好自然。
長靴竟然刮花左。😭
最後獻上呢個綁鞋帶視角，多謝。
留言
張貼留言