馬不停蹄，趁有時間即再開一隻。而完成呢一款之後，在下都開始接受現實走出陰霾，所以呢個特別企劃都要暫告一段落啦。
點解會有呢個企劃同Precious Figure嘅介紹可以參考上一篇
呢一款景品一推出嘅時候，在下真係馬上心動起來。果個笑容，果個動態，果身裝束完完全全地令在下怦然心動。不過非常可惜出來嘅成品有少少令在下失望。
先上盒圖
標準長盒。盒面見到雷姆嘅超級大頭，呢個笑容真係好難忍手呀。而成身泳裝加一件薄紗，仙氣道直線狂飆。
打開入面，已經見到出現問題。就係上下半身竟然唔同色，呢下真係扣哂分。
先睇睇實物四面圖先。
整體來講係非常有動感活力，但係正面睇會發現成隻Figure個重心偏左去右邊，感覺有啲奇怪。
如果在下將腳底嘅椿調整番個重心，感覺似乎好番少少。
30度係最佳觀賞角度。
面相部分，呢個笑容真係冇得頂。
但係頭髮部分就有好多瑕疵。
再一次見到上下半身唔同色嘅問題。另外會見到白色外衣有啲唔平整嘅顆粒。
撇除同上半身唔同色呢個問題，其實雙腿係做得唔錯。拖鞋部分都做得好細緻。
大衣想做到隨著跑動飄起嘅感覺，但睇上去就好唔自然，好似衫尾突然飛起左咁，形成左一個好奇怪嘅角度。
另外要講講，手指位冇打磨有瑕疵。
總結就係整體唔錯，但係瑕疵極多。
留言
張貼留言