WOW! 相隔左成個幾月，夏日氣息仲未減退，所以今次繼續發送清涼嘅雷姆。今次比較特別，就係會一次過兩個版本。
一般情況同一款Figure在下都只會入手一款，而今次會入手左兩款只係在下係夾公仔機見到手痕，所以就兩款都夾左番黎。
點解會有呢個企劃同Precious Figure嘅介紹可以參考上一篇
又係一黎先上個盒圖先。
一如以往Precious Figure系列嘅外盒，都係非常簡潔，有齊正背面圖。
內容同樣保護十分充足。
呢一款嘅俾人一種好有活力嘅感覺，主角笑得非常燦爛，望耐左都會感覺到生氣。服裝上健康可愛又不失性感呢啲基本野啦。
右邊嘅係特別版，唔同嘅地方就係對眼，泳衣同埋短褲嘅顏色。
今次嘅面相要調一調角度。整體面型OK，但係如果由高望落去眼神會好古怪。
如果正面望就非常好。
頭頂嘅帽係486運動裝嘅Logo同顏色，針織感覺非常好。
睇睇呢件T-shirt半透明嘅設計非常吸睛，加上用料唔太厚，感覺舒服自然。
牛仔短褲嘅紋路勁仔細，好真實。
健康自然嘅一雙美腿。
黎到特別版嘅面相，由於係合埋眼，冇左眼神古怪嘅問題。
正面同樣好睇。
特別版嘅牛仔短褲變成淺藍色，望上去更Sharp。
留言
張貼留言