玩物喪誌

近日疫情嚴峻，全世界有好多人都因為咁而陷入困境。對於好多香港人黎講更加係一波未平一波又起，持續係失望中渡過，有時甚至會抗拒面對新嘅一日。係呢一個咁崩壞嘅世代入面，在下都唔知有咩野可以送俾大家，唯有籍住今次開箱，希望可以為大家打一打氣。「就算失望，不能絕望！」 如果講起打氣，第一時間一定會聯想到啦啦隊。在下係誠意邀請雷姆妹妹擔任啦啦隊為各位加加油，希望大家睇得開心。📣📣📣📣📣📣📣📣📣 Precious Figure系列為可愛嘅雷姆換裝，拎佢可以以唔同嘅形象係大家面前呈現。非常之喜歡雷姆嘅在下只要係夾公仔機見到就會忍唔住夾佢番屋企，所以在下都有唔少呢個系列嘅收藏。不過就以上宣傳圖所見，幾乎每個服裝都有唔同版本，另外仲有限定嘅笑眼version，如果想收藏哂，真係夾到傾家蕩產都唔得掂。而在下手上嘅呢隻就係普通嘅版本，至於點解有特別版都唔要呢，係有啲原因嘅… 先上外盒四面圖。有大頭照，全身照同背面照，基本上實物所有角度都清楚睇哂。 呢一張圖比較其他Precious Figure系列嘅外盒大小，可以見到今次嘅啦啦隊version係大過同系列嘅其他款好多，似乎係因為啦啦隊version嘅打氣姿勢肢體幅度比較大。 內容物非常簡單嘅三部分，啦啦草球係要另外組裝。 底座好清潔又唔過太單調，上面寫住雷姆個名同埋呢套動畫嘅名。 啦啦草球對準雙手嘅荀位就可以裝上去。雙手荀位冇特別設計為手指型，所以草球必定要裝上去。 全身照一張。整體線條好靚，仲有一種躍動感。 先睇睇面相部分，還原度接近九成，仲有微微嘅泛紅，真係超級無敵可愛呀大佬。髮色好順色，透明嘅瀏海同後面實色嘅頭髮完美結合，完全冇違和感。 上帝視角，映入眼簾嘅係健康而適中嘅胸部，非常順眼。 衫同裙嘅刻紋將網織衣物嘅質感完美呈現，十分抵讚。 上身衣服對身體嘅擠壓感好真實，冇一啲奇怪嘅模線。 下半身部分就比較差啦。大腿有呈現長襪擠壓嘅效果，但係坑線似乎太深同太粗。另外襪上面嘅間條紋顏色塗到出哂界。不過景品黎講有呢啲小瑕疵實屬正常。 鞋仔部分都幾驚喜，鞋帶呢啲細節好少會處理得咁好，顏色冇塗出界。 ...

（音樂文係字多圖少，請見諒。） 隊長除左遊戲之外，都好鐘意音樂。事先聲明，我無做過專業嘅音樂訓練，所以啲專業嘅terms就講唔出嘅。我只係覺得，音樂係有種治愈能力，令你失意中，有種感同身受嘅狀況。更厲害嘅係，有可能你未經歷過果隻歌講嘅野，你都有機會意會到。 要做到呢一點，作曲，編曲，樂器，歌詞同歌手演繹方法就有好大嘅影響。所以，好嘅歌，係應該令一個無論有無相似背景嘅你，都可以感受到果首歌。當然，音樂賦予每人有唔同體會，千變萬化。 今次想同大家分享，我聽到嘅故事，係軒仔嘅“春秋”。 作詞：林夕   作曲：Edmond Tsang 編曲：C.Y. Kong 監製：C.Y. Kong / 張敬軒 那夜誰將酒喝掉 因此我講得多了 然後你搖著我手拒絕我 動人像友情深了 我沒權終止見面 只因你友善依然 仍用接近甜蜜那種字眼通電 沒人應該怨地怨天 得到這結局 難道怪罪神沒有更偽善的祝福 我沒有為你傷春悲秋不配有憾事 你沒有共我踏過萬里不夠劇情延續故事 頭髮未染霜　著涼亦錯在我幼稚 應快活像個天使 有沒有運氣再扮弱者玩失意 有沒有道理為你落髮必須得到世人同意 心灰得極可恥　心傷得無新意 那一線眼淚　欠大志 愛若能堪稱偉大 再難捱照樣開懷 如令你發現為你而活到失敗 令人不安　我品性壞 我沒有為你傷春悲秋不配有憾事 你沒有共我踏過萬里不夠劇情延續故事 頭髮未染霜　著涼亦錯在我幼稚 應快活像個天使 有沒有運氣再扮弱者玩失意 有沒有道理為你落髮必須得到世人同意 心灰得極可恥　心傷得無新意 那一線眼淚　欠大志 太沒意思 若自覺這叫痛苦未免過份容易 我沒有被你改寫一生怎配有心事 我沒有被你害過恨過寫成情史變廢紙 春秋只轉載要事　如果愛你欠意義 這眼淚無從安置 我沒有運氣放大自私的失意 更沒有道理在這日你得到真愛製造恨意 想心酸還可以　想心底留根刺 至少要見面上萬次 隊長認為，“兩個偉文”係現時可謂係填詞界嘅名牌，佢地啲遣詞，意境，可以說得上高深。呢隻歌唔係新歌，事實上隊長都好少聽新歌，感覺以前嘅歌到位啲。 「故事」 一個男孩，有一日鼓起勇氣，同心儀嘅女孩表達佢嘅心意。可惜，女孩拒絕。之後，女孩似乎唔識避忌，依然同個男孩相處得好埋。事實上，男孩自問無同個女孩經歷過驚天動地嘅事，都無野可以係個女孩心入面...

經過上次一番賞戰果大整理之後，其中一個大獎D賞薩波公仔就仲未開箱。我一直拖一直拖，就係想佢兩餘兩位兄弟都黎埋先一次過開箱。但係依家呢個事勢，相信都有排等，而在下亦都等唔切啦，我決定而家就開!你!箱! 隨意門: "開箱"兄弟之絆一番賞, 戰果大整理 👉👉👉👉👉👉大門若隔開 分隔開👈👈👈👈👈👈 個盒非常之高，實測大約35cm，比一般景品長身盒高接近10cm。未開箱就感受到非常夠斤兩，而且外盒好實淨，令人十分之安心。 盒嘅側身同背面都係實物圖，冇咩野花巧嘅設計。簡簡單單就是好。 開盒好似玩極解謎遊戲咁，盒頂紙皮左搭右搭，排除萬難先打開到。一打開就見到內容物非常澎湃，做到就快滿瀉咁嘅錯覺。亦可以見到外盒卡紙好厚，保護十足。 剛剛嘅澎湃效果只係視覺誤導，實際上內容物就係得咁多。 薩波嘅驅體棟篤企係度所以做成澎湃嘅錯覺，相信其他兩兄弟都係差唔多玩法。 拆開哂啲膠袋就係咁嫁啦。 組裝非常簡單唔多講啦。本來係有個底座可以安裝係隻腳度，但係其實唔需要個底座都可以企係好穩。影相就暫時將個底座放埋一邊先。組裝完之後有接近30cm高。 面相比起之前開過嘅Stampede果款更顯成熟，更加有哥哥嘅感覺。笑容同面型都非常還原。 隨意門:  "開箱"薩波&艾斯-「One Piece Stampede」Brotherhood III 在下非常之喜歡手上面嘅火焰特效。顏色同透明度都好Match，整個形態好有動感，唔係就咁一Pat野咁擺落去。 件衫俾皮帶綁住嘅呈現真係有今生冇來世，皺摺效果非常仔細同真實。 褲嘅皺摺效果都係做得非常認真，令人驚艷。 靴用塗裝做出殘舊效果，非常好睇。 禮帽上面有啲奇怪嘅紋，唔知係唔係特別效果呢。 後面睇，非常難得大褸飄逸感覺非常自然。大褸其他部分皺摺效果同樣係好出色。 型棍相一張。總括而言，成隻以景品黎講真係非常出色。

作為我第一次撰寫嘅文章（同有心人嘅一啲交流/分享），點都要寫得好好睇睇，響個頭炮，震下家聲! 由於隊長都熱愛玩game，手機game，PS4等等都有玩。玩game同男仔睇女一樣，各有各愛好。有啲鐘意長腿   有啲鐘意樣靚 有啲鐘意大波 都有人鐘意乜都有 （滿足下一眾男觀眾先) 遊戲都一樣，有人鐘意動作類，有人鐘意用腦諗下嘅戰略類，都有人想唔洗點付出就比你打到天下無敵咁。隊長自己就幾喜歡玩戰略，或者叫戰棋game用啲策略嘅遊戲。一黎隊長反應唔快，好似啲mon hunt呢啲個個吹到好正嘅，隊長連機都打唔爆，次次都要隊友神carry，更加唔好講咩仁王，dark soul果啲。 再者，隊長鐘意先睇下電腦/對方咩佈陣，再用自己思考完嘅方案去嬴，呢種先係我想要嘅成功感。 所以，第一隻要分享嘅，都會係我以後好大量會再share嘅，就係手機game - 夢幻模擬戰。 夢幻模擬戰呢隻手機game其實18年10月4號已經推出左，而呢個系列其實係更早嘅時間（1991年）係世嘉嘅MD已經出現，所以呢隻game好長嘅歷史。咁當然，去到手機遊戲，玩法多多少少都有啲唔同，但係大致上方向都係類近。 入到game就係呢個版面，同宜家市面上好多嘅遊戲版面設定差唔多。來來去去都係有條主線，有好多刷素材關，打錢關，再加啲高難度少少嘅關卡送啲高級道具比你。不過正如隊長之前講過，夢幻模擬戰係隻好耐歷史嘅遊戲，當然要比有玩過嘅舊玩家回味下，同時無玩過嘅新玩家，都不妨欣賞下呢隻出左5集嘅歷史文物。放心，玩舊故事（時空裂縫）嘅時候，畫質係符合現今世代嘅，唔會比幾十年前起晒格果啲質素。 講左咁耐，點解隊長會係芸芸遊戲之中，揀左呢隻遊戲做響頭炮，震家聲嘅選擇呢？黎緊我會列出呢隻遊戲隊長最欣賞嘅地方 1. 畫功精緻 作為新世代嘅遊戲，畫質係其中一項決定隻遊戲可唔可以入門嘅因素。一般遊戲都唔會忽略呢一樣野，老實講，如果連呢一樣野都唔做好，咁果隻遊戲其實9成都可以入堆填區。但係呢隻遊戲，滿足到玩家鐘意睇靚野嘅慾望。（溫馨提示：所有角色，係物理上可以彈跳或者郁動嘅野，佢地都係真係識郁，好似係裙擺，頭髮，同埋😏😋） 2. 角色定位分明 咁一般嘅SRPG...