上年剛剛慶祝完動畫放送20週年嘅One Piece已經陪伴左小弟幾個年頭。能夠令到在下瘋狂追住黎睇甚至買到成屋都係佢地嘅商品，呢套野絕對有佢嘅神秘嘅魅力係度。龐大嘅世界觀加上追逐夢想嘅熱血題材本來就相當引人入勝，尤其是係我呢種心懷夢想嘅大男孩。而最迷住在下嘅地方就係故事入面每一個有血有肉嘅人物，正因為佢地都帶住濃厚嘅感情，所以創造出一幕幕感人嘅故事。
早幾日同朋友傾計，講起自己經常睇One Piece睇到喊出黎。回想一下，原來呢套動畫曾經帶俾我無數咁多嘅感動，所以突然有感而發，想整理一下自己曾經睇到喊嘅橋段。以下就係小弟嚴選十個令深刻嘅感人橋段(實情係有好多，但以免愈寫愈多，只能忍痛揀十個)。由於聲優
們神級嘅演出同埋配樂都為氣氛加左好多分，所以在下刻意係Youtube搵左呢啲片段嘅剪輯(可惜唔係全部都搵到中文字幕)，希望做到聲音畫面完整地衝撃心靈。
第十位先黎個唔係大激動嘅。恐怖三桅帆船事件完結之後，係慶祝宴會上面，布魯克用鋼琴彈奏一曲《賓克斯的美酒》。呢首歌係One Piece世界係童謠般嘅存在，連小朋友都識唱，歌詞描寫左海賊要面對離鄉背井嘅傷感，但同時獲得係海上乘風破浪，隨心所欲嘅自由。本來呢個場景係好輕鬆愉快，但係慢慢進入布魯克嘅回憶就開始有一絲絲嘅傷感。
當時佢地嘅海賊團被敵人用毒襲擊，係船醫陣亡嘅情況下，佢地全團已經必死無疑。就係呢個情境，佢地決定享受最後嘅時光，係甲板上面大唱呢首輕快嘅《賓克斯的美酒》，而係佢地唱歌期間，同伴就一個一個咁倒下，最後全團覆滅。布魯克透過黃泉果實能力返回佢嘅身體，船上面就只係淨番佢一個孤伶伶。係畫面出現嘅小鯨魚係佢地嘅同伴拉布，由於佢地覺得偉大航道太危險同埋佢身型太巨大，所以決定將拉布留係偉大航道嘅入口，並且約定環繞世界一周再相會。可惜只有布魯克有機會完成呢一個約定。
雖然呢一幕音樂輕快，但係內容非常沉重，受到呢個反差衝擊，令到小弟非常傷感。最令人傷心嘅地方就係睇住自己嘅同伴一個一個就離開自己，雖然佢地用盡自己生命最後一秒鐘作出自由嘅吶喊，笑住面對自己嘅命運，但係仍不免傷感。
曾經出現過果個令你義無反顧要成就嘅人物嗎? 曾經出現過果個一定要完成嘅目標嗎?
呢個感人嘅一幕係來自帥氣十足嘅索隆。係動畫非常前期，以成為天下第一劍豪為目標嘅佢，年少氣盛咁挑戰當時最強劍士鷹眼。當然佢完全冇勝算，俾鷹眼壓住黎打，甚至只係用一把小刀就將三刀流嘅索隆壓制。係對陣之中，索隆嘅志氣受到鷹眼賞識，鷹眼嘅最後一擊並冇取索隆嘅性命，並且希望索隆可以繼續鍛鍊，超越自己(係往後嘅篇章鷹眼甚至親自指導索隆劍術)。就係呢個時候索隆就以刀指天，作出今後唔會再敗陣嘅諾言。至少直至今日，索隆依然遵守諾言，對陣劍士未嘗一敗。
其實呢短短幾句已經包含左幾個令人感動嘅地方。首先佢對路飛道歉話敗陣會令到路飛好困擾，並且立志永遠都唔會敗陣，講到自己都激動到喊起上黎，絕對係睇得出佢對自己嘅目標同諾言嘅著緊，一反佢平時嘅風格。當時索隆係路飛非常重要嘅戰力，同時佢亦都係對路飛呢個船長最忠誠。剛剛口頭上決定加入路飛就已經立刻稱呼路飛為船長。而今次佢仲直接叫路飛做海賊王，展現出佢對路飛嘅信任同支持。呢一段說話就等同「我會永遠係度協助你成為海賊王」一樣咁動聽，實在令人感動。
同親愛嘅人分別永遠都係最痛，連道別嘅說話都唔可以講就一定更痛。非常經典嘅一幕，從此X字就變成夥伴嘅記號。
薇薇並唔係草帽海賊團嘅成員，但係佢同草帽一夥一齊冒險左一段超長嘅時間，所以如果一路有追開嘅話，對佢同草帽團嘅分別一定好傷心。佢初初以反派身份登場，同路飛佢地打過鬧過，佢地一同解救阿拉巴斯坦王國，薇薇想繼續同路飛一齊冒險，但難敵自己對佢國家嘅愛，最後決定同路飛佢地道別。
對一個並肩作戰左咁耐嘅同伴，作一個正式嘅道別係非常基本嘅事情，薇薇公主希望草帽一夥能夠繼續認定佢係夥伴亦都完全唔過分。但係礙於草帽海賊團係被通輯對象，為左係海軍面前保護薇薇，佢地唔可以回應薇薇嘅要求。薇薇公主見到佢地完全冇反應，喊到令人心都痛埋。好彩最後草帽一夥記起當時佢地為左對付有模仿能力嘅Mr.2，係手臂上面作左個X嘅記號以認清楚究竟對方係真嘅定係假扮嘅。佢地舉起手臂默默回應薇薇嘅請求，薇薇公主終於重拾笑顏，同鴨仔跑得快一齊舉起手臂歡送草帽一夥。
相信唔需要多講，情節、對白、配樂都不停衝擊淚點。
男人之間總係有好多觀念令到佢地唔將真心說話講出黎，就好似好多父子咁，肉麻說話絕對唔會掛係口邊。山治同哲普呢對掛名父子就係典型嘅呢一類人。
山治從少喜歡廚藝，而且戰鬥能力唔及其他兄弟出眾而受到排擠，最後佢離開家園誤打誤撞上左哲普嘅海賊船。哲普發現山治同佢有同樣嘅夢想，係山治跌左落海之後，不惜廢掉自己一隻腳去拯救山治。係流落孤島期間，飾演一個欺負細路嘅惡霸，實情將所有嘅糧食俾哂山治。之後哲普經常對山治拳打腳踢，仲講好多難聽嘅說話，其實就係哲普作為父親默默嘅愛。
海上餐廳事件完結之後，山治決定跟隨路飛出海，追尋自己嘅夢想，都冇同哲普好好道個別，可能呢啲就係男人嘅矜持。就係山治上船果一刻，哲普悠哉悠哉咁行出黎，簡單一句提醒山治唔好感冒。年輕人果然係年輕人，掩飾情感黎講山治又點及老骨頭哲普，山治當下就忍唔住係哲普面前將佢嘅感謝之情一口氣講哂出黎。
正如岩岩所講，呢幕真係男人嘅浪漫。
呢一幕可以咁感動，喬巴嘅配音大谷育江姐姐應記一功，基本上呢一幕就係不停咁喊，但佢將喬巴內心掙扎又不捨嘅情緒好完美咁詮釋出黎，當然不失喬巴嘅可愛。
作為一頭曾經被排擠嘅馴鹿，對於被路飛多次邀請之下，內心非常掙扎。「我只係一隻馴鹿，我冇資格加入。」喬巴就係不斷咁樣對自己講。最終路飛對佢大叫，令佢有勇氣去出海。最感動嘅地方並唔係喬巴決定認同自己加入草帽海賊團，而係喬巴嘅養母加師傅醫娘古蕾娃嘅支持同鼓勵。佢幫助過左身嘅西爾爾克完成「櫻花奇跡」，呢個係西爾爾克嘅研究成果，象徵住奇蹟同埋希望，古蕾娃利用如此美景替喬巴送行。當時整個鼓磁國飄住漫天櫻花，喬巴諗起自己恩人西爾爾克嘅恩情，點會唔喊到收唔到聲。最後古蕾娃淡淡一句「去吧，笨兒子。」顯然佢都唔捨得佢嘅笨兒子，但係佢亦同時希望喬巴出去見識呢個世界，成為佢想成為嘅萬靈藥。
有時侯人會對「死」物有感情，一枝筆，一對鞋，一個籃球…可能係有特別嘅意義，又或者陪伴過你經歷過一啲重要嘅事情。如果呢啲事物突然同你講佢已經任務完成，你會唔會感到傷心。
前進梅利號係草帽海賊團嘅第一隻正式嘅船，而且係佢地重要嘅夥伴，由烏索普嘅青梅竹馬所贈送，報答佢地打敗左想謀奪佢家產嘅克洛。可惜可雅家唔係專業船匠，梅利號係經歷幾次激烈航海之後已經慢慢損壞。去到空島嘅時候，梅利號已經損壞得無法再航行，但係梅利號船精靈好希望可以送大家番去海面，佢強行撐住將草帽一團送番去海面，呢個時候已經再撐不住。草帽團其實都非常愛惜梅利號，佢地去到著名嘅修船聖地水之七島，無論俾幾多錢都願意將梅利號修好。可惜當地船匠都冇辨法將船修好，草帽海賊團無奈之下必須換過一艘新船。烏索普更因為呢件事同路飛打左一場交，甚至離開左海賊團。
之後路飛佢地係司法島事件遇到危機，梅利號嘅船精靈乞求冰山先生作出一次性緊急維修等佢可以作出迎救。係送草帽一夥番到水之七島途中，梅利號終於去到極限，斷開兩截。係冰山先生嘅勸告之下，草帽一夥係海上面用火葬送別呢位佢地重要嘅夥伴。草帽一夥當然非常傷心，呢個時候船精靈終於開口同草帽一夥作出道別，十分感人。
七年嘅心血付諸東流、多年苦心守護嘅人決定尋死，如果呢啲事發生係一個十七歲嘅女仔身上，到底會有幾痛呢。
如果要講娜美有幾絕望，就要由佢細個開始講起經歷。作為孤兒，娜美本來係可可西亞村搵到佢快樂嘅童年，同養母貝爾梅爾、姊姊諾琪高、仲有成班可可西亞村嘅村民過住幸福快樂嘅生活，直至魚人惡龍黎到屠村，所有幸福都破滅。娜美養母被殺，但被惡龍睇中左佢嘅製圖天賦，以倖存嘅村民作脅逼，娜美被逼加入惡龍海賊團替惡龍作，當時佢只有十歲。娜美同惡龍協議，只要娜美可以拎一億貝利係惡龍面前，佢就放過可可西亞村嘅村民。但係娜美仲要係村民面前扮成倒戈相向，等村民唔好感到內疚。
七年間娜美到處招搖撞騙，甚至呃走路飛一船嘅財寶，不擇手段只求達成一億貝利嘅要求。陰險嘅惡龍係娜美即將儲滿指定金額嘅時候，勾結海軍將娜美所有錢財沒收。當時娜美已經抓狂，甚至直接同惡龍對質但不果，呢個時候村民仲向佢透露一早就已經知道娜美咁多年係忍辱負重，決定討伐惡龍。娜美唔想佢地斷送性命，想保持冷靜同村民講佢會好快再儲過另外嘅一億貝利，但係村民已經決心唔再比娜美繼續受委屈，依然要去討伐惡龍。
眼看苦心守護嘅村民要去斷送性命，娜美當時已經精神崩潰，拎起匕首瘋狂刺向手臂上面嘅惡龍紋身。路飛黎到阻止娜美自殘，佢冇面目面對曾經比自己呃過嘅路飛，佢話路飛一無所知，叫佢快啲離開。但係最終絕望嘅娜美依然向路飛求助，路飛亦以佢一貫作風，攬起拯救呢條村呢個任務。
除左心痛娜美之外，路飛早已經視娜美為夥伴般回應同埋將佢最珍愛嘅草帽扣係娜美頭上面呢種暖心行為實在非常感人。娜美聲優岡村明美姐姐完美詮釋當時娜美嘅痛苦，十分精彩。
艾斯之死 - 「謝謝你們一直愛我!」
馮克雷拚死抵抗麥哲倫
柯拉松安靜地離去
夏洛特．布琳修剪親吻山治嘅記憶
在人生失意嘅時刻，係唔係經常只係記掛失去左嘅野而忽視已經擁有嘅野呢?
經歷頂上戰爭之後，路飛痛失哥哥艾斯十分難受，意志消沉，終日只記掛自己將哥哥害死左，自暴自棄。魚人吉貝爾睇唔過眼，怒斥路飛只係著眼於眼前所失去嘅野，而忘記佢所擁有嘅野。此時路飛恍然大悟，低頭數住手指，夥伴一個一個咁係佢腦海出現，路飛記起夥伴們各自係唔同地方等緊同路飛會合，佢仲有值得佢愛同愛佢嘅人，終於振作起黎，聲嘶力竭咁叫喊住佢地嘅名。
呢一幕非常簡單，但係各種回憶同埋心態轉變就非常感人。同時亦令人反思自己係唔係經常因為失去眼前嘅事物就忽視左其他依然擁有嘅野。
當面前發生似乎無法挽救嘅事，你仍然相信你嘅伙伴嗎?
路飛同山治係呢件事上面得出唔同嘅解答。山治被親生父親伽治用作同BIG MOM交涉嘅政治籌碼，伽治以山治嘅大恩人哲普威脅山治同BIG MOM女兒布琳達成政治婚姻。山治選擇默默承受一切，放棄自己繼續航海嘅自由。當路飛前來迎救佢嘅時候，佢只係想路飛快啲離開，盡講一啲難聽嘅說話，仲將路飛踢至倒地不起。而路飛依然對山治深信不疑，更揚言要係度等山治番黎，聽到呢番說話嘅山治只能夠係馬車上面默默咁流淚。山治嘅身不由己令人感到痛心，同時路飛對山治嘅感情亦係十分感人。最催淚嘅地方就係佢緊接播放經典嘅結尾曲Memories，一幕幕回憶擁上心頭，陪伴兩位一同成長嘅觀眾又點會唔感動。
呢種完全信任與半信任嘅矛盾係往後少少劇情再次發生。兩位衝破多重阻礙終於係約定嘅地點見面。路飛食完山治整嘅野食，山治再次以要獨力保護哲普同草帽團為理由拒絕回歸。比山治狂踢都冇還手嘅路飛終於忍唔住一拳打落山治度，並要求山治講出真話。此時山治終於敞開心房，對路飛講出佢想番去海草帽團同拯救佢家人嘅願望。呢一刻嘅心境轉折本來而經十分摧淚，路飛之後回復笑容溫柔嘅一句「呢個先係你。」成為忍爆淚腺嘅點。兄弟之間邊有隔夜仇，只要坦誠相對，一齊都可以解決。
當全世界都希望你死，你又有冇決心生存落去?
世界政府為左掩蓋空白一百年嘅歷史同埋唔想任何人得知古代兵器嘅秘密，禁止任何人研究歷史文本，更因為咁將羅賓嘅故鄉奧哈拉以「層魔令」毀滅。倖存嘅羅賓因為考古學嘅天賦，而成為世界政府嘅威脅，羅賓自少就係被懸賞嘅通緝犯，更被稱為惡魔之子。羅賓自少就被灌輸佢唔應該係呢個世界上生存嘅概念，唯一令佢生存落去嘅信念就係研究出空白一百年嘅真實歷史。
係阿拉巴斯坦王國，羅賓曾經慨嘆佢只係想知道歷史，但係呢個夢想有太多敵人，之後佢企圖係即將倒塌嘅葬祭殿入面自殺，但係比路飛救番。羅賓以路飛阻止佢自殺為理由，要佢負責任俾羅賓加入草帽海賊團。
同草帽海賊團一同經歷空島冒險，除左令羅賓漸漸感覺終於搵到一個好歸宿，仲係空島搵到前任海賊王留低嘅歷史文本，令羅賓重拾生存落去嘅意義。可惜好景不常，當羅賓重新振作嘅時候就遇上世界政府嘅秘密組織CP9，並以「屠魔令」要脅羅賓乖乖就範。路飛佢地得知真相之後立刻趕去司法島迎救羅賓，羅賓雖然十分感動，但仍然唔希望佢地斷送性命。經過一番內心鬥爭，包含各種混雜嘅情感，一直被認定為唔應該生存嘅女人，係路飛嘅引導之下，終於講出呢句震撼人心嘅對白。
令人感動嘅係關於羅賓嘅突破，好唔容易先搵到愛惜佢嘅人同埋生存目標，終於敞開心扉，唔再自暴自棄。羅賓聲優山口由里子姐姐係呢一幕激烈嘅叫喊絕對為呢一幕加上唔少分數。
早幾日同朋友傾計，講起自己經常睇One Piece睇到喊出黎。回想一下，原來呢套動畫曾經帶俾我無數咁多嘅感動，所以突然有感而發，想整理一下自己曾經睇到喊嘅橋段。以下就係小弟嚴選十個令深刻嘅感人橋段(實情係有好多，但以免愈寫愈多，只能忍痛揀十個)。由於聲優
們神級嘅演出同埋配樂都為氣氛加左好多分，所以在下刻意係Youtube搵左呢啲片段嘅剪輯(可惜唔係全部都搵到中文字幕)，希望做到聲音畫面完整地衝撃心靈。
⚠以下內容涉及大量劇情討論，不喜勿看⚠
10.「人生苦短，世事難料。」—《賓克斯的美酒》倫巴海賊團最後演奏
第十位先黎個唔係大激動嘅。恐怖三桅帆船事件完結之後，係慶祝宴會上面，布魯克用鋼琴彈奏一曲《賓克斯的美酒》。呢首歌係One Piece世界係童謠般嘅存在，連小朋友都識唱，歌詞描寫左海賊要面對離鄉背井嘅傷感，但同時獲得係海上乘風破浪，隨心所欲嘅自由。本來呢個場景係好輕鬆愉快，但係慢慢進入布魯克嘅回憶就開始有一絲絲嘅傷感。
當時佢地嘅海賊團被敵人用毒襲擊，係船醫陣亡嘅情況下，佢地全團已經必死無疑。就係呢個情境，佢地決定享受最後嘅時光，係甲板上面大唱呢首輕快嘅《賓克斯的美酒》，而係佢地唱歌期間，同伴就一個一個咁倒下，最後全團覆滅。布魯克透過黃泉果實能力返回佢嘅身體，船上面就只係淨番佢一個孤伶伶。係畫面出現嘅小鯨魚係佢地嘅同伴拉布，由於佢地覺得偉大航道太危險同埋佢身型太巨大，所以決定將拉布留係偉大航道嘅入口，並且約定環繞世界一周再相會。可惜只有布魯克有機會完成呢一個約定。
雖然呢一幕音樂輕快，但係內容非常沉重，受到呢個反差衝擊，令到小弟非常傷感。最令人傷心嘅地方就係睇住自己嘅同伴一個一個就離開自己，雖然佢地用盡自己生命最後一秒鐘作出自由嘅吶喊，笑住面對自己嘅命運，但係仍不免傷感。
9.「有意見嗎，海賊王?」— 索隆敗北誓言
曾經出現過果個令你義無反顧要成就嘅人物嗎? 曾經出現過果個一定要完成嘅目標嗎?
呢個感人嘅一幕係來自帥氣十足嘅索隆。係動畫非常前期，以成為天下第一劍豪為目標嘅佢，年少氣盛咁挑戰當時最強劍士鷹眼。當然佢完全冇勝算，俾鷹眼壓住黎打，甚至只係用一把小刀就將三刀流嘅索隆壓制。係對陣之中，索隆嘅志氣受到鷹眼賞識，鷹眼嘅最後一擊並冇取索隆嘅性命，並且希望索隆可以繼續鍛鍊，超越自己(係往後嘅篇章鷹眼甚至親自指導索隆劍術)。就係呢個時候索隆就以刀指天，作出今後唔會再敗陣嘅諾言。至少直至今日，索隆依然遵守諾言，對陣劍士未嘗一敗。
其實呢短短幾句已經包含左幾個令人感動嘅地方。首先佢對路飛道歉話敗陣會令到路飛好困擾，並且立志永遠都唔會敗陣，講到自己都激動到喊起上黎，絕對係睇得出佢對自己嘅目標同諾言嘅著緊，一反佢平時嘅風格。當時索隆係路飛非常重要嘅戰力，同時佢亦都係對路飛呢個船長最忠誠。剛剛口頭上決定加入路飛就已經立刻稱呼路飛為船長。而今次佢仲直接叫路飛做海賊王，展現出佢對路飛嘅信任同支持。呢一段說話就等同「我會永遠係度協助你成為海賊王」一樣咁動聽，實在令人感動。
8.「…能再叫我一聲夥伴嗎?」— 與薇薇公主無聲的告別
同親愛嘅人分別永遠都係最痛，連道別嘅說話都唔可以講就一定更痛。非常經典嘅一幕，從此X字就變成夥伴嘅記號。
薇薇並唔係草帽海賊團嘅成員，但係佢同草帽一夥一齊冒險左一段超長嘅時間，所以如果一路有追開嘅話，對佢同草帽團嘅分別一定好傷心。佢初初以反派身份登場，同路飛佢地打過鬧過，佢地一同解救阿拉巴斯坦王國，薇薇想繼續同路飛一齊冒險，但難敵自己對佢國家嘅愛，最後決定同路飛佢地道別。
對一個並肩作戰左咁耐嘅同伴，作一個正式嘅道別係非常基本嘅事情，薇薇公主希望草帽一夥能夠繼續認定佢係夥伴亦都完全唔過分。但係礙於草帽海賊團係被通輯對象，為左係海軍面前保護薇薇，佢地唔可以回應薇薇嘅要求。薇薇公主見到佢地完全冇反應，喊到令人心都痛埋。好彩最後草帽一夥記起當時佢地為左對付有模仿能力嘅Mr.2，係手臂上面作左個X嘅記號以認清楚究竟對方係真嘅定係假扮嘅。佢地舉起手臂默默回應薇薇嘅請求，薇薇公主終於重拾笑顏，同鴨仔跑得快一齊舉起手臂歡送草帽一夥。
相信唔需要多講，情節、對白、配樂都不停衝擊淚點。
7.「山治，別感冒了啊。」— 山治跪謝哲普，加入草帽海賊團
男人之間總係有好多觀念令到佢地唔將真心說話講出黎，就好似好多父子咁，肉麻說話絕對唔會掛係口邊。山治同哲普呢對掛名父子就係典型嘅呢一類人。
山治從少喜歡廚藝，而且戰鬥能力唔及其他兄弟出眾而受到排擠，最後佢離開家園誤打誤撞上左哲普嘅海賊船。哲普發現山治同佢有同樣嘅夢想，係山治跌左落海之後，不惜廢掉自己一隻腳去拯救山治。係流落孤島期間，飾演一個欺負細路嘅惡霸，實情將所有嘅糧食俾哂山治。之後哲普經常對山治
海上餐廳事件完結之後，山治決定跟隨路飛出海，追尋自己嘅夢想，都冇同哲普好好道個別，可能呢啲就係男人嘅矜持。就係山治上船果一刻，哲普悠哉悠哉咁行出黎，簡單一句提醒山治唔好感冒。年輕人果然係年輕人，掩飾情感黎講山治又點及老骨頭哲普，山治當下就忍唔住係哲普面前將佢嘅感謝之情一口氣講哂出黎。
正如岩岩所講，呢幕真係男人嘅浪漫。
6.「去吧，笨兒子。」— 喬巴加入草帽海賊團
呢一幕可以咁感動，喬巴嘅配音大谷育江姐姐應記一功，基本上呢一幕就係不停咁喊，但佢將喬巴內心掙扎又不捨嘅情緒好完美咁詮釋出黎，當然不失喬巴嘅可愛。
作為一頭曾經被排擠嘅馴鹿，對於被路飛多次邀請之下，內心非常掙扎。「我只係一隻馴鹿，我冇資格加入。」喬巴就係不斷咁樣對自己講。最終路飛對佢大叫，令佢有勇氣去出海。最感動嘅地方並唔係喬巴決定認同自己加入草帽海賊團，而係喬巴嘅養母加師傅醫娘古蕾娃嘅支持同鼓勵。佢幫助過左身嘅西爾爾克完成「櫻花奇跡」，呢個係西爾爾克嘅研究成果，象徵住奇蹟同埋希望，古蕾娃利用如此美景替喬巴送行。當時整個鼓磁國飄住漫天櫻花，喬巴諗起自己恩人西爾爾克嘅恩情，點會唔喊到收唔到聲。最後古蕾娃淡淡一句「去吧，笨兒子。」顯然佢都唔捨得佢嘅笨兒子，但係佢亦同時希望喬巴出去見識呢個世界，成為佢想成為嘅萬靈藥。
5.「謝謝你們如此珍惜我。」— 再見前進梅利號
有時侯人會對「死」物有感情，一枝筆，一對鞋，一個籃球…可能係有特別嘅意義，又或者陪伴過你經歷過一啲重要嘅事情。如果呢啲事物突然同你講佢已經任務完成，你會唔會感到傷心。
前進梅利號係草帽海賊團嘅第一隻正式嘅船，而且係佢地重要嘅夥伴，由烏索普嘅青梅竹馬所贈送，報答佢地打敗左想謀奪佢家產嘅克洛。可惜可雅家唔係專業船匠，梅利號係經歷幾次激烈航海之後已經慢慢損壞。去到空島嘅時候，梅利號已經損壞得無法再航行，但係梅利號船精靈好希望可以送大家番去海面，佢強行撐住將草帽一團送番去海面，呢個時候已經再撐不住。草帽團其實都非常愛惜梅利號，佢地去到著名嘅修船聖地水之七島，無論俾幾多錢都願意將梅利號修好。可惜當地船匠都冇辨法將船修好，草帽海賊團無奈之下必須換過一艘新船。烏索普更因為呢件事同路飛打左一場交，甚至離開左海賊團。
之後路飛佢地係司法島事件遇到危機，梅利號嘅船精靈乞求冰山先生作出一次性緊急維修等佢可以作出迎救。係送草帽一夥番到水之七島途中，梅利號終於去到極限，斷開兩截。係冰山先生嘅勸告之下，草帽一夥係海上面用火葬送別呢位佢地重要嘅夥伴。草帽一夥當然非常傷心，呢個時候船精靈終於開口同草帽一夥作出道別，十分感人。
4.「路飛，救救我。」— 娜美的絕望求救
七年嘅心血付諸東流、多年苦心守護嘅人決定尋死，如果呢啲事發生係一個十七歲嘅女仔身上，到底會有幾痛呢。
如果要講娜美有幾絕望，就要由佢細個開始講起經歷。作為孤兒，娜美本來係可可西亞村搵到佢快樂嘅童年，同養母貝爾梅爾、姊姊諾琪高、仲有成班可可西亞村嘅村民過住幸福快樂嘅生活，直至魚人惡龍黎到屠村，所有幸福都破滅。娜美養母被殺，但被惡龍睇中左佢嘅製圖天賦，以倖存嘅村民作脅逼，娜美被逼加入惡龍海賊團替惡龍作，當時佢只有十歲。娜美同惡龍協議，只要娜美可以拎一億貝利係惡龍面前，佢就放過可可西亞村嘅村民。但係娜美仲要係村民面前扮成倒戈相向，等村民唔好感到內疚。
七年間娜美到處招搖撞騙，甚至呃走路飛一船嘅財寶，不擇手段只求達成一億貝利嘅要求。陰險嘅惡龍係娜美即將儲滿指定金額嘅時候，勾結海軍將娜美所有錢財沒收。當時娜美已經抓狂，甚至直接同惡龍對質但不果，呢個時候村民仲向佢透露一早就已經知道娜美咁多年係忍辱負重，決定討伐惡龍。娜美唔想佢地斷送性命，想保持冷靜同村民講佢會好快再儲過另外嘅一億貝利，但係村民已經決心唔再比娜美繼續受委屈，依然要去討伐惡龍。
眼看苦心守護嘅村民要去斷送性命，娜美當時已經精神崩潰，拎起匕首瘋狂刺向手臂上面嘅惡龍紋身。路飛黎到阻止娜美自殘，佢冇面目面對曾經比自己呃過嘅路飛，佢話路飛一無所知，叫佢快啲離開。但係最終絕望嘅娜美依然向路飛求助，路飛亦以佢一貫作風，攬起拯救呢條村呢個任務。
除左心痛娜美之外，路飛早已經視娜美為夥伴般回應同埋將佢最珍愛嘅草帽扣係娜美頭上面呢種暖心行為實在非常感人。娜美聲優岡村明美姐姐完美詮釋當時娜美嘅痛苦，十分精彩。
👉👉👉👉👉👉大門若隔開 分隔開👈👈👈👈👈👈
由於實在太多感人場面，所以係進入三甲之前五約略一提飲恨進入唔到十大嘅經典場面，有興趣嘅朋友請自己搜尋片段。
白鬍子之死 - 「我當你們老爹還合格嗎?」
艾斯之死 - 「謝謝你們一直愛我!」
馮克雷拚死抵抗麥哲倫
柯拉松安靜地離去
夏洛特．布琳修剪親吻山治嘅記憶
沒錯，由於在下非常唔滿意艾斯嘅死，所以將佢踢出十大以示不滿。
👉👉👉👉👉👉大門若隔開 分隔開👈👈👈👈👈👈
3.「我還有夥伴啊！」— 路飛想起夥伴，重新振作
在人生失意嘅時刻，係唔係經常只係記掛失去左嘅野而忽視已經擁有嘅野呢?
經歷頂上戰爭之後，路飛痛失哥哥艾斯十分難受，意志消沉，終日只記掛自己將哥哥害死左，自暴自棄。魚人吉貝爾睇唔過眼，怒斥路飛只係著眼於眼前所失去嘅野，而忘記佢所擁有嘅野。此時路飛恍然大悟，低頭數住手指，夥伴一個一個咁係佢腦海出現，路飛記起夥伴們各自係唔同地方等緊同路飛會合，佢仲有值得佢愛同愛佢嘅人，終於振作起黎，聲嘶力竭咁叫喊住佢地嘅名。
呢一幕非常簡單，但係各種回憶同埋心態轉變就非常感人。同時亦令人反思自己係唔係經常因為失去眼前嘅事物就忽視左其他依然擁有嘅野。
2.「不管你踢我多少腳，痛的…都是你自己吧﹗」— 路飛夥伴誓言 & 路飛怒揍山治
當面前發生似乎無法挽救嘅事，你仍然相信你嘅伙伴嗎?
路飛同山治係呢件事上面得出唔同嘅解答。山治被親生父親伽治用作同BIG MOM交涉嘅政治籌碼，伽治以山治嘅大恩人哲普威脅山治同BIG MOM女兒布琳達成政治婚姻。山治選擇默默承受一切，放棄自己繼續航海嘅自由。當路飛前來迎救佢嘅時候，佢只係想路飛快啲離開，盡講一啲難聽嘅說話，仲將路飛踢至倒地不起。而路飛依然對山治深信不疑，更揚言要係度等山治番黎，聽到呢番說話嘅山治只能夠係馬車上面默默咁流淚。山治嘅身不由己令人感到痛心，同時路飛對山治嘅感情亦係十分感人。最催淚嘅地方就係佢緊接播放經典嘅結尾曲Memories，一幕幕回憶擁上心頭，陪伴兩位一同成長嘅觀眾又點會唔感動。
呢種完全信任與半信任嘅矛盾係往後少少劇情再次發生。兩位衝破多重阻礙終於係約定嘅地點見面。路飛食完山治整嘅野食，山治再次以要獨力保護哲普同草帽團為理由拒絕回歸。比山治狂踢都冇還手嘅路飛終於忍唔住一拳打落山治度，並要求山治講出真話。此時山治終於敞開心房，對路飛講出佢想番去海草帽團同拯救佢家人嘅願望。呢一刻嘅心境轉折本來而經十分摧淚，路飛之後回復笑容溫柔嘅一句「呢個先係你。」成為忍爆淚腺嘅點。兄弟之間邊有隔夜仇，只要坦誠相對，一齊都可以解決。
搜尋結果
網絡搜尋
搜尋結果
網絡搜尋結果承擔
1.「我想…我想活下去！」— 羅賓敞開心扉的叫喊
當全世界都希望你死，你又有冇決心生存落去?
世界政府為左掩蓋空白一百年嘅歷史同埋唔想任何人得知古代兵器嘅秘密，禁止任何人研究歷史文本，更因為咁將羅賓嘅故鄉奧哈拉以「層魔令」毀滅。倖存嘅羅賓因為考古學嘅天賦，而成為世界政府嘅威脅，羅賓自少就係被懸賞嘅通緝犯，更被稱為惡魔之子。羅賓自少就被灌輸佢唔應該係呢個世界上生存嘅概念，唯一令佢生存落去嘅信念就係研究出空白一百年嘅真實歷史。
係阿拉巴斯坦王國，羅賓曾經慨嘆佢只係想知道歷史，但係呢個夢想有太多敵人，之後佢企圖係即將倒塌嘅葬祭殿入面自殺，但係比路飛救番。羅賓以路飛阻止佢自殺為理由，要佢負責任俾羅賓加入草帽海賊團。
同草帽海賊團一同經歷空島冒險，除左令羅賓漸漸感覺終於搵到一個好歸宿，仲係空島搵到前任海賊王留低嘅歷史文本，令羅賓重拾生存落去嘅意義。可惜好景不常，當羅賓重新振作嘅時候就遇上世界政府嘅秘密組織CP9，並以「屠魔令」要脅羅賓乖乖就範。路飛佢地得知真相之後立刻趕去司法島迎救羅賓，羅賓雖然十分感動，但仍然唔希望佢地斷送性命。經過一番內心鬥爭，包含各種混雜嘅情感，一直被認定為唔應該生存嘅女人，係路飛嘅引導之下，終於講出呢句震撼人心嘅對白。
令人感動嘅係關於羅賓嘅突破，好唔容易先搵到愛惜佢嘅人同埋生存目標，終於敞開心扉，唔再自暴自棄。羅賓聲優山口由里子姐姐係呢一幕激烈嘅叫喊絕對為呢一幕加上唔少分數。
👉👉👉👉👉👉大門若隔開 分隔開👈👈👈👈👈👈
睇動漫經常比人沉迷虛幻世界，唔面對現實嘅感覺。佢地其實不了解動漫帶到幾多激情比我地，透過天馬行空嘅劇情，填補心靈所缺少嘅一塊，甚至可以得到反思人生嘅機會。那怕世界點樣睇我，我都會繼續睇落去。
留言
張貼留言