"開箱"拉姆-SSS小紅帽(珍珠色特別版)

連續開左三隻One Piece嘅Figure，今次決定換換口味，搵出兩隻係箱底、擺放左一段時間嘅Figure黎開，而佢地係來自另一部作品。

佢地就係《Re:從零開始的異世界生活》(下稱Re:zero)裡面嘅雙胞胎姊妹。小弟非常喜歡妹妹雷姆，但係唔係因為鎮宇哥所講咁...

絕對唔係好似你咁諗

姐姐拉姆腹黑、毒舌、懶散而且充滿自活，而妹妹拉姆就乖巧、傻更更咁(認識一段時間之後)。兩姊妹性格一凹一凸，如果同佢地一齊生活或者共事絕對唔會悶。

而呢一款SSS系列就係替佢地兩姊妹著上唔同童話故事嘅服裝，例如今次開箱嘅小紅帽、愛麗絲夢遊仙境、糖果屋等等。全部都造得好靚，小弟當然想全部拎哂番屋企。

廢話講太多，馬上準備開箱。先開姐姐拉姆。

來源 Re:zero Wiki

已經擺放左一段時間，個盒已經有啲殘舊。由於係上面疊左其他Figure盒，盒面都有部分凹陷。

之次海賊王就睇東映防偽貼紙，而今次就係睇角川(KADOKAWA)嘅貼紙。

內容物好簡單就係底座同本體。本身盒入面而經有一塊厚紙皮保護件公仔，再加上有波波紙包住內容物好貼心。

個人感覺塊面有少少拉長左，不過髮型搭救令到面相冇崩壞感。本來係木口木面表情，但某啲角度睇會好似微微笑咁。

頭髮同服裝都係珍珠色塗裝，係特別版先有嫁。條裙嘅喱士邊做得好靚，但係腰封上面條繩感覺有啲求其。

配合服裝嘅腰封設計，全身嘅線條出哂黎。

條裙不其然咁飄逸好自然，腿部線條好好，自然均稱。有修長效果但又保留到拉姆嬌小嘅感覺。

對襪花邊同針織紋都冇馬虎，但係同對鞋接合就差左少少。

底座上面寫住拉姆個名，上面有一堆花花草草圖案，同童話主題好夾。

題外話，Re:zero嘅Figure大部分底座都係好精美同埋睇得出係有設計過，襯番個主題。

斗篷係後面睇感覺都係好生硬，似乎令到呢啲大塊布飄得自然唔係咁易。

裙後面喱士都係做得好仔細，摺邊蝴蝶結都好可愛。

後背全新照，腿部線條依然好靚。

側身睇見到拉姆努力挺身胸膛。

手指彎曲似乎有啲怪，不過唔哄到咁埋睇係唔顯眼。




影住咁多先，等妹妹雷姆都出世之後再影多啲靚相。
隋意門: "開箱"雷姆-SSS小紅帽(珍珠色特別版)