路飛嘅兩個哥哥艾斯同薩波係路飛成為海賊王嘅道路上飾演住好重要嘅角色。佢地自少就結拜為兄弟，因為年紀唔同所以各自出海，自始佢地三兄弟就冇再相聚過。艾斯為救路飛而犠牲自己嘅性命，薩波繼承左艾斯嘅能力，亦都繼承左艾斯嘅意志，連埋佢果份一同守護佢地嘅好弟弟。相信佢地三個冇試過一齊作戰係好多海賊迷心中嘅遺憾，所以上年嘅20週年大電影「One Piece Stampede」入面就出現左一幕少少嘅Fans Service一圓大家心願。
呢套景品就係還原呢幕Fan Service。薩波同艾斯係分開推出，但係只有一隻就完全冇意思啦，所以小弟係同時入手呢兩隻。
 |
| 網上電影截圖 |
電影最後薩波利用燒燒果實能力協助路飛同其他海賊船逃離海賊萬博會，佢總叫左歌姬安用幻影果實能力投射艾斯個樣出黎。咁樣做嘅意義相信不言而喻。
題外話: 其實2015出品嘅遊戲「海賊無雙3」嘅開場動畫，都有佢地三兄弟合作嘅畫面，遊戲入面都有一啲原創關卡係有佢地三兄弟並肩作戰嘅畫面，係一圓Fans心願嘅傑作。適逢第4集就快上市，將會係呢個話題上面打打牙較。
👉👉👉👉👉👉大門若隔開 分隔開👈👈👈👈👈👈
先睇睇盒面部分，正面就係兩位嘅大頭相，同時會見到另外一款嘅。成個盒面設計就係好大火嘅感覺。
盒背面就係兩位嘅，但係實物係做唔到呢個效果，陣間會提到。
由於賣家話係係夾公仔機入面夾番黎，外盒有損傷係好合理。小弟並唔係八角仙人，只要唔爛得太過分我都冇問題。
底座+實體+薩波標準武器"水喉通"。
底部模仿番電影情節，呢一幕就係發生係船嘅甲板上面。
火焰特效總係覺得怪怪地，如果透明感強少少可能效果會更好，又或者索性唔好做透明。
男角色面相基本上唔會做壞。禮帽塗裝做出皮革殘舊效果。
褲同鞋都係有刻意做出皮革殘舊效果。大褸係質感上就有絨毛嘅感覺。
背面相。手部火焰特效就靚過底座上面嘅好多。
標誌性水喉通。冇咩野特別，銀色塗裝令成枝管身都有金屬感。
正面靚仔相一張。
艾斯個頭就要自己上件，自己圈番條佛珠上條頸度。
艾斯身體感覺太實在，正如上面所講，佢應該只係一個幻影。少少唔完整、模糊面容同身上嘅紋身又或者直接變透明相信會呈現更好嘅效果。
底座同另一張剛剛好可以拼合，但係兩個底座之間係冇連接。
面相部分冇大問題，但係唔明白點解眼白唔做埋橙紅色。帽上面兩個圖案有完整刻番。
手臂有條好深嘅分模線，相當顯眼。
另一個角度睇手臂呢條分模線，冇處理到，失敗！
手臀紋身同頭髮同樣係黑色，點解頭髮以橙色呈現，紋身就係黑色呢?
帽後面條繩好奇怪，搞到成個中國古裝僵屍咁。
背後白鬍子Logo，同樣問題就係太清楚。
呢條皮帶尾嘅呈現有驚喜，好寫實。
最後合照。點解話做唔到盒面圖果種效果呢? 佢地之間有個空位，而佢地動作設計一個傾前，一個捱後，兩個隻手又放係唔同高度，其中一個仲要好大個火焰特效係自己塊面前面，好難先就到一個同時見到兩塊面嘅角度。
實情呢套景品冇100%還原個場面，例如艾斯幻像係冇帶帽、表情唔還原。不過重點有做出黎啦。
其他分鏡角度睇一睇︰
最後火紅紅燒起佢~~~~~
留言
張貼留言