呢款遊戲非常明顯係《為美好世界獻上祝福！》(下稱Konosuba)嘅衍生作。小弟之前都有睇過呢套動畫，憑著出色嘅人設，每次睇都笑到停唔到。可惜今次收消息唔係好靈通，個遊戲出左接近一個星期先知道，一收到消息就馬上下載落黎玩。
 |
| 官方圖片 |
超簡單介紹呢套動畫：主角和真係一個御宅族，有一日佢想英雄救美反而自己被嚇死(重點係本來人地就冇危險）。佢死左後由智商奇低嘅女神阿克婭引領和真帶一件物品去異世界。由於阿克婭係呢個過程不斷恥笑和真，和真一怒之下決定攜帶阿克婭去到異世界，而佢地必須打敗異世界魔王，阿克婭先可以番去原先嘅地方。佢地其後遇到每日只可以放一次魔法嘅魔法師惠惠、被虐狂而且命中率係零嘅騎士達克妮絲。四個冇個正常嘅人展開一段奇幻又爆笑嘅旅程。
暫時遊戲可以只係日本地區玩，所以要玩就要先用VPN連接日本網絡。
但係以小弟嘅經驗，用VPN嘅時候下載資料用好慢。呢度有個小撤步，就係進入下載畫面果陣暫時斷開VPN，等資料下載哂之後再連番VPN重新登入遊戲。相信將來任何新活動需要下載更新果陣都要做呢個步驟。
玩呢類型嘅手遊，第一件事當然係要抽人，所以可以Skip嘅教學全部都俾我Skip哂。
冇去特別研究邊張卡勁，首抽只係想抽到自己喜歡嘅角色，小弟最喜歡智障女神阿克婭，又想要用惠惠嘅爆裂魔法。
 |
| 抽卡畫面超有Konosuba風格，畫面會不斷出現Pick up角色嘅展影。呢度就截到阿克婭得意喊樣。 |
 |
| 玩左一日嘅成果 |
選任務果陣會出現經典看板娘，同動畫一模一樣。
戰鬥方式就係三個角色上場，雙方都係等CD出技。我就嫌呢個過程好慢，好彩戰鬥可以調教成三倍速。
 |
| 放大絕畫面好似睇緊動畫咁 |
放呢下大絕可以見到遊戲設定非常忠於原著，惠惠嘅爆裂魔法超級高傷，而且係全體傷害。
放完爆裂魔法之後，係動畫入面會四肢無力倒下，而係遊戲入面就會直接退場由後補補上。
相信遊戲入面有更多有趣彩蛋等住我發掘。(例如達克妮絲嘅0命中攻擊相信有還原，但未有機會試驗。
 |
| 現時開放緊嘅活動 |
令到我要立刻提升新角等級，當中需要刷超大量嘅素材，呢部分非常肝。
遊戲有幾個機制令到我可以方便刷素材
- 每日兩次免費(唔消耗體力)嘅素材關卡
- 指定時間登入會送100體力
- 刷上級素材關果陣，發現無論打輸定打到一半發現唔夠打離場都只係會扣一體
 |
| 打到一半發現唔夠打走佬會扣一體 |
遊戲入面其中一個功能就係劇情觀賞，當中包括動畫劇情同遊戲原創劇情。例如呢度就係剛剛睇完好經典嘅夢妖事件。(笑)
最後感想︰
玩左三日，發現呢隻Game完全係Fans Service，裡面有好多設定都好還原動畫，除左以上講嘅設定，仲有一啲唔太重要嘅部分都有彩蛋，例如還原左動畫嘅過場畫面，看板娘打工系統...喜歡Konosuba嘅朋友一定會玩得好開心。
肝就係而家好多手遊嘅通病...其實都唔算係病，手遊公司都需要經營，做到一隻令大家玩得咁開心嘅遊戲，唔想課金就唯有肝一肝啦~
 |
| 經典過場畫面 |
 |
| 看板娘打工系統 👉👉👉👉👉👉大門若隔開 分隔開👈👈👈👈👈👈
話說打緊呢篇文果陣，官方發現System故障，某啲玩家無法入game，而我就係其中一個....
求下你快啲整好俾我入去肝......
|
留言
張貼留言