小弟非常之喜歡蜘蛛俠，當時等蜘蛛俠番去Marvel電影宇宙，Tom Holland演繹嘅蜘蛛仔亦都非常岩我口味。所以身為蜘蛛迷當然要有番隻蜘蛛仔Figure傍身。
講番呢隻Figure，係SpiderMan - Far From Home嘅推廣版，落訂嘅時候仲未睇電影，所以依然鍾情於Stark Suit(姐係由Tony Stark做嘅第一套蜘蛛戰衣)。最後原來呢套戰衣係電影只係出現左一兩幕，非常可惜。如果睇完電影先訂相信我會訂Upgraded suit(電影最終戰鬥果套戰衣)。
 |
| Hot Toys 圖片 |
 |
| Hot Toys 圖片 |
呢套同SpiderMan - Homecoming嘅版本係幾乎一樣。但係舊版另外仲有頭雕、外套、Headset等等其他配件，相當盞鬼。而新版只係得番眼仔，手掌等等基本野可以換，完全係大縮水。不過冇計啦，鬼叫我當時未有經濟能力買咩。
👉👉👉👉👉👉大門若隔開 分隔開👈👈👈👈👈👈
太多廢話啦，而家開箱啦。其實呢隻曾經開過出黎影過一張相，之後因為冇位置放無奈要收番好。而家有番地方放，所以先詳細開箱。
外面果個紙皮依然有保留，上面Mark住呢隻Figure嘅型號同埋有好大個Hot Toys Logo。
跟住就到裡面果層啦，封面就係一半漫畫風嘅蜘蛛俠本尊圖像，非常有型。畫面偏紫，蜘蛛仔好似係霓虹燈之間穿梭緊咁。
再開一層就係透明面，本尊同其他內容物一眼哂。
可以成個膠盤拎出黎，一眼睇哂有啲咩野。
內附一本說明書，開本尊之前望一望先，廢事整爛隻Figure。
之後睇下本尊，企到個人直一直係有成30cm高。
全身衣服都係有彈性果種緊身衣質地，感覺好有彈性同好堅韌，令人唔擔心會拉鬆或者勾爛。不過說明書都係有提醒玩家唔好長期拉扯或者用尖銳物件整傷件衫。
色彩同質感基本上冇得挑剔，完全係仿真質感。至於手掌就係硬膠件，睇上唔礙眼。加上手腕連接位有一個蛛網發射器，連接一啲都唔突兀。
對比呢款小弟好耐以前嘅Hot Toys，2007年 Spider-Man 3造型，手掌物料一樣，但係冇蛛網發射器遮一遮，駁口位就好唔順眼。
同時見到舊公仔件衫材質係綿布料，其實好易勾爛。
背面可以見到頭部面具同件衫係分開，令到個頭扭動唔會拉扯到件衫。唔似其他款頸頭係用一粒椿連接，而係成條頸插入個頭度，感覺扭動幅度俾一啲舊嘅蜘蛛俠Hot Toys細，但係就相當穩陣，擺出黎嘅姿勢更加接近人體工學。
鞋底有寫品牌名。我可以學安仔將自己個名加上個鞋底度播。
底座上面有個夾，用來夾住本尊，可以自己教個角度靚一靚先夾住。底座面色彩好繽紛，有少少Hip Hop風感覺，同呢個版本蜘蛛仔果種Swag嘅味道好夾。
有三對眼可以換。佢地係用磁石貼合，想換眼就要用一啲尖細物件將對眼「了」出黎。
眼仔背後有兩粒磁石，可以剛剛好Fit上個眼框。
呢個細眼仔好適合受傷倒地姿勢。
小弟個人就喜歡眼仔碌碌。
根據說明書所講，大髀只可以提起90度，極限就大約好似上面張相咁，其實有好多蜘蛛仔嘅招牌動作都做唔到。
 |
| 網上圖片 |
例如呢個爬牆動作就好難還原到啦。其他仲有招牌式跳起，蹲座等等動作都要將個大髀提到好高先做到。
滑翔翼安裝都係靠磁石，但係果人感覺位置好難對得好。對滑翔翼同本尊側面唔係好完美咁拍得合，係需要花少少時間先搵到最靚果個位。
裝好就可以擺出呢個滑翔姿勢。
跟住就睇下啲蜘蛛絲配件。
想玩蜘蛛絲就要換上呢個有個插孔嘅蛛絲發射器。
…係我搞錯野定係咩野原因，條蜘蛛絲冇乜力，個蛛網係會下墮。
用蜘蛛絲如果係做一啲擺盪動作個人覺得更有型。
最後擺下其他有型Pose。
♫SPIDER-MAN! SPIDER-MAN!
FRIENDLY NEIGHBORHOOD, SPIDER-MAN!♪
留言
張貼留言